අසාධාරණ පන්ති තහනම් 28 ඉවත් කිරීම ඇතුළු සාධාරණ ඉල්ලීම් 9ක් මුල් කරගනිමින් රජරට විශ්වවිද්‍යාලයිය සිසුන් විසින් පවත්වාගෙන යනු ලබන අඛණ්ඩ සත්‍යග්‍රහයට අදට (21) දිනට දින 224කි.
‘වසරක කාලයක් තිස්සේ සිසුන් විසින් සාධාරණය ඉල්ලා සාකච්ඡා මාර්ග වලට එළඹෙමින්, උද්ඝෝෂණ පවත්වමින්, පාගමන් යමින්, පෙත්සම් අත්සන් කරමින් වැනි විවිධ ශිෂ්‍ය ක්‍රියාමාර්ග එළඹෙමින් අවසානයේ සත්‍යග්‍රහයක්ද ආරම්භ කර දැනට මාස 7කට අධික කාලයක් ගෙවීලා' නමුත් ආණ්ඩුව හා විශ්වවිද්‍යාල පරිපාලනය තවදුරත් නින්දිත අයුරින් කටයුතු කිරීම පිළිබඳව අපට ඇත්තේ දැඩි පිළිකුලක් යැයි මහා ශිෂ්‍ය සංගමයේ ලේකම් අමිල පෙරේරා මහතා කීය.
ජිවිත තර්ජන මධ්‍යයේ මහමග සිට පීඩාවට පත් සිසුන්, දින 200ක් ගතවන මොහොත වන විට, උපකුලපතිවරයා වැටලීමට යොමු වන්නේ කිසිදු විසඳුමක් නොලැබෙන නිසායි' නමුත් ඊට ද පිළිතුරු ලෙස පාලකයින් සිදු කරන ලද්දේ සිසුන් වෙත ලබා දුන් පොරොන්දු කඩකරමින්, ශිෂ්‍ය සංගම් අහෝසි කරමින්, මාධ්‍ය වෙත සාවද්‍ය ප්‍රකාශ නිකුත් කිරීමයි' අදවනවිට සත්‍යග්‍රහයට දින224යි. උපකුලපතිවරයා සිසුන්ට දුන් පොරොන්දු කඩකර අදට දින10යි.
දේශන පැවැත්වෙමින් තිබියදී විශ්වවිද්‍යාලය වසා දමා අදට දින18යි. ප්‍රජාතන්ත්‍රවිරෝධී ලෙස ශිෂ්‍ය සංගම් තහනම් කර අදට දින18යි. මෙවන් තත්ත්වයක් යටතේ සිදුවන්නේ සිසුන් තවතවත් නැගී සිටීම බව පැහැදිළිවම ප්‍රකාශ කල යුතු බවද ඒ මහතා සදහන් කළේය.
(ලක්බිම)
