ජාතික නිදහස් පෙරමුණ එක්සත් ජනතා නිදහස් සන්ධානය හා ගිවිසුමකින් බැඳී නැති බවද ඔහු පිලිගත් නමුදු ඔහුට ගැටලුව වී ඇත්තේ තමන් ඇතුළු නියෝජිතයන්ට එක්සත් ජනතා නිදහස් සන්ධානයෙන් නාම යෝජනා ලැබීම ගැනය.
විමල්ට මෙහිදී ඔහුගේ ඉතිහාසය අමතක වී ඇත. එක්සත් ජනතා නිදහස් සන්ධානයේ මුල් පාර්ශ්වකරුවකුව සිට ඉන් ඉවත් වූ ජනතා විමුක්ති පෙරමුණේ ප්‍රචාරක ලේකම් වරයාව හා එම පාර්ලිමේන්තු කණ්ඩායම් නායකයාව සිටියදී තම පක්ෂයේ රහස් මහින්ද රාජපක්ෂගේ කණේ තැබීම නිසා ඔහුව පක්ෂයෙන් නෙරපා දමන ලදී. එහිදී දේශපාලනිකව හා පුද්ගල පැවැත්ම යන කාරනා දෙකෙන්ම අනාතභාවයට ලක්ව සිටි විමල් වීරවංශ ඇතුලු පිරිසට සානුකම්පිත හේතු මත එක්සත් ජනතා නිදහස් සන්ධානයෙන් නාමයෝජනා ලබා දීමට හිටපු ජනාධිපතිවරයා කටයුතු කළේය.
අනාතභාවයට ලක්ව සිටීම නිසා විමල්ට කේවල් කිරීම් සමඟ සන්ධානය හා ගිවිසුම්වලට එලඹීමේ හැකියාවක් එදා තිබුණේ නැත. අදත් ඔහුට සිදුවනු ඇත්තේ එක්කෝ සන්ධානයෙන් නාමයෝජනා හිඟා කන්නය. නැතිනම් මහින්ද රාජපක්ෂ සමඟ වළපල්ලට යාමය.
