තමා ප්‍රකාශ කර සිටියේ මහ මැතිවරණයේදී හිටපු ජනපතිගේ නායකත්වය ද ශ්‍රී.ල.නි.ප. ප්‍රමුඛ සන්ධානයට ලබා ගත යුතු බව පමණක් බව හෙතෙම කීය. තනතුර පිළිබඳ තීරණයකට එළැඹිය යුත්තේ මහ මැතිවරණයෙන් පසුව බවද ඔහු පැවසුවේය.
මේ ඉල්ලීම ප්‍රතික්ෂේප කරමින් මහින්ද රාජපක්ෂ මහතාගේ ද නායකත්වය පිළිගැනීමට ශ්‍රි.ල.නි.ප. කටයුතු නොකළහොත් හිටපු ජනපතිවරයාගේ නායකත්වයෙන් යුතු සන්ධානයකින් වෙනම මහ මැතිවරණයට තරග වදින බවද ඔහු පවසයි.
එම සන්ධානයට ශ්‍රී.ල.නි.ප. ජනතා නියෝජිතයන්ගෙන් කොටසක් ද සිය පෙරමුණද මහජන එක්සත් පෙරමුණ ජාතික නිදහස් පෙරමුණ හා පිවිතුරු හෙළ උරුමය යන පක්ෂද සන්ධාන ගතවීමට නියමිතය. සන්ධානයේ නම හා ලකුණ සම්බන්ධයෙන් පසුව තීරණයක් ගන්නා බවද හේ පැවසීය.
ඉදිරි මහ මැතිවරණය සඳහා මහින්ද රාජපක්ෂ මහතාගේ නායකත්වයද ශ්‍රී.ල.නි.ප. ය පිළිගන්නේ නම් ඔවුන් සමඟ සන්ධානගතවී මහ මැතිවරණයට ඉදිරිපත් වීමට තම පෙරමුණ සූදානම් බවද නානායක්කාර මහතා ප්‍රකාශ කළේය. එහි අරමුණ එ.ජා.ප. ය පරාජය කිරීම බවද ඔහු වැඩිදුරටත් කියා සිටියේය.
දිනමිණ
