චීනය සැලකුවේ මට නොව සමස්ත රටට බව පවසන රාජපක්ෂ මහතා කෙසේ වුවත් චීනය මෙරරට කරන ආධාර උපකාර නවත්වනු ඇති බව නොසිතන බවත් පවසයි.
2009 වසරෙදී යුද්ධය අවසන් වීමෙන් පසුව චිනය මෙරටට අමරිකානු ඩොලර් බිලියන 4 ක පමණ ආයෝජනයක් කර තිබේ. සුළු ආධාර ප්‍රමාණයක් හා ඉහල පොලී අනුපාත යටතේ ණය වශයෙන් ඒ ලබා දී තිබේ.
එහෙත් එම චීන ව්‍යාපෘති වෙනුවෙන් රාජපක්ෂවරුන්ට අති විශාල කොමිස් මුදල් ලැබුණු බවට පසුගිය කාලයේ චෝදනා එල්ල විය. ඒ සම්බන්ධයෙන් නිශ්චිත තෝරතුරු මේ වන විට හෙළිදරව් වෙමින්ද පවතී. එමෙන්ම මේ චීන ව්‍යාපෘති වෙනුවෙන් නියමාකාරයෙන් ටෙන්ඩර් කැඳවීමක් හෝ මෙරට නීති රීති අණපනත් ප්‍රකාරව කටයුතු නොකළ බවත් හෙළිව තිබේ.
