මේ අනුව බැංකු, මූල්‍ය ආයතන සහ රක්ෂණ ආයතන ඇතුළු ලාභ අලාභ ගිනුම් පවත්වාගෙන යනු ලබන රාජ්‍ය හා පෞද්ගලික ආයතනවල සේවකයින්ගේ නිවාස ණය පොලී, ආපදා ණය පොලී, වාහන ණය පොලී, වෛද්‍ය වියදම් ප්‍රතිපූර්ණය කිරීම, අතිකාල දීමනා ඇතුළු වෙනත් දීමනා වෙනුවෙන් මෙම බදු අය කිරීම නතර කෙරේ.
ඒ සඳහා මෙම බද්ද 1857/8 දරන ගැසට් පත්‍රය මගින් පනවා තිබුණි.
ලංකා - බැංකු සේවක සංගමය සමඟ ඊයේ (21) සවස අරලියගහ මන්දිරයේ පැවැති විශේෂ හමුවේදී ජනාධිපති මහින්ද රාජපක්ෂ මහතා විසින් මෙම තීරණය ගනු ලැබීය.
අමාත්‍ය ලක්ෂ්මන් යාපා අබේවර්ධන, වැඩ බලන ජනාධිපති ලේකම් සහ ජනාධිපති කාර්ය මණ්ඩල ප්‍රධානී ගාමිණී සේදර සෙනරත්, ලංකා බැංකු සේවක සංගමයේ සභාපති ඒ.කේ. බණ්ඩාර, ලේකම් අශෝක ධර්මසිරි, උප සභාපති නිශාන්ත සමරසිංහ යන මහත්වරුන් සහ ලංකා බැංකු සේවක සංගමයේ නියෝජිතයින් මීට එක්ව සිටියහ.
