යාපනය පුස්තකාලය සහ සංස්කෘතික මධ්‍යස්ථානය විවෘත කිරීම ද ඔහුගේ ප‍්‍රධානත්වයෙන් සිදු කෙරෙනු ඇත. යාපනයේ කෙරෙන මෙම සංචාරයේ දී එහි සැබෑ තත්ත්වය සියැසින්ම දැක බලා ගැනීමට ද ඉන්දීය අග‍්‍රාමාත්‍යවරයාට හැකිවනු ඇතැයි විදේශ කටයුතු අමාත්‍යංශය පවසනවා.

මේ අතර කොළඹ සහ අවට ප‍්‍රදේශ කිහිපයක අදත් විශේෂ රථ වාහන ධාවන සැලැස්මක් ක‍්‍රියාත්මකයි. ඒ සම්බන්ධයෙන් කරුණු දැක්වුවා පොලිස් ප‍්‍රකාශක සහකාර පොලිස් අධිකාරි රුවන් ගුණසේකර මහතා.

පෙරවරු 8.15 සිට 8.45 දක්වා ද පස්වරු 3.15 සිට 4.30 දක්වාද ගාලු මෝදර ඉදිරිපිට ගාලු පාර,NFA වටරවුම, ලෝටස් පාර, සෙරමික් හන්දිය, රීගල් වටරවුම,චිත්තම්පලම් ඒ ගාඩිනර් මාවත, කොම්පඤ්ඤ විදිය පොලිස් ස්ථානය ඉදිරිපිට වටරවුම දක්වාද එමෙන්ම පස්වරු 6.15 සිට 6.45 දක්වා ගාලුමෝදර ඉදිරිපිට ගාලු පාර, කොල්ලුපිටිය, ධර්මපාල මාවත, ලිබර්ඩි වටරවුම, ආර්.ඒ.ද මැල් මාවත, තර්ස්ටන් පාර ඔස්සේ ඉන්දියන් නිල නිවාසය දක්වා විශේෂ රථවාහන සැලැස්ම ක්‍රියාත්මක වේ.

ජනාධිපති මෛත‍්‍රීපාල සිරිසේන මහතා මුණ ගැසුණු අග‍්‍රාමාත්‍යවරයා ද්විපාර්ශ්වික ගිවිසුම් 04ක් අත්සන් තැබීමේ අවස්ථාවට ද සහභාගි වුයේය. නරේන්ද්‍ර මෝදි මහතා ශ‍්‍රී ලංකා අග‍්‍රාමාත්‍ය රනිල් වික‍්‍රමසිංහ මහතා ද මුණ ගැසුණු අතර ඊයේ පස්වරුවේ පාර්ලිමේන්තුව අමතමින් විශේෂ ප‍්‍රකාශයක් ද කළේය. ශ්‍රී ලංකාව ලබන දියුණුව ඉන්දියාවේ ප්‍රබෝධයට හේතු වෙන බව ඉන්දීය අගමැති නරේන්ද්‍ර මෝදි ප්‍රකාශ කළේය.