කොළඹ සිටි රෝ සංවිධාන නියෝජිතයා ඉවත් කරන ලෙස මා ඉන්දියාවෙන් ඉල්ලා සිටියා. ඔවුන් එය කළා. ඒත් ඒ ජනාධිපතිවරණය ආසන්නයේ. එතකොට ප්‍රමාද වැඩියි යෑයි මහින්ද රාජපක්‍ෂ පවසා තිබේ.
"මෙය ආරම්භ වී ඇත්තේ වසර දෙකකට පෙර සිටයි. චීනය සමඟ ශ්‍රී ලංකාව සබඳතා පැවැත්වීම ගැන ඉන්දියාව වැරදියට හිතුවා. ඒකයි මා ඉවත් කරන්න රෝ සංවිධානය කටයුතු කළේ" මහින්ද රාජපක්‍ෂ පැවැසීය.
යළිත් දේශපාලනයට එන්නේ දැයි හින්දු පුවත්පත විමසූ විට ඊට සෘජු පිළිතුරක්‌ නොදුන් හිටපු ජනාධිපතිවරයා නව රජය තම පවුලේ අයට හා තම සගයන්ට එරෙහිව නඩු පවරමින් සිටින බවත් ඔවුන් එසේ නොකළා නම් තම සහාය නව රජයට ලබා දෙන්නට ඉඩ තිබූ බව පැවසීය.
ඔවුන් අපට විරුද්ධව පරීක්‍ෂණ පවත්වන බව කියනවා. හිරේ දාන බව කියනවා. සාක්‍ෂි පවා නැතිව විදේශ ගමන් බලපත්‍ර අහෝසි කරලා. මේ තත්ත්වය තුළ දේශපාලනයෙන් විශ්‍රාම යන්නත් බැහැ. දැන් මම විවේක ගන්නවා. මා විශ්‍රාම ගන්නා බව කිසි විටෙක මා පවසා නැහැ... මහින්ද රාජපක්‍ෂ වැඩිදුරටත් පවසා තිබේ.
(divaina)
