ක්ෂය රෝගය පිළිබඳ ජාතික වැඩසටහන අද මහනුවර දී පැවැත්වේ. එම රෝගය පිළිබඳ ජනතාව දැනුවත් කිරීමේ පා ගමනක් ද අද පෙරවරු 8.30ට මහනුවර ළය චික්ත්සාගාරය අසලින් ආරම්භ වීමට නියමිත බව සෞඛ්‍ය අමාත්‍යාංශය පවසයි.
නොකඩවා පවතින කැස්ස ක්ෂය රෝගයක මූලික ලක්ෂණ ලෙස සැලකෙන අතර මෙවැනි තත්ත්වයකදී රෝහලකට ගොස් සෙම පටල පරික්ෂාවක් කර වැළඳී ඇත්තේ ක්ෂය රෝගයදැයි නිශ්චිතව හඳුනා ගත හැකිය.
ක්ෂය රෝගයට ලොව පුරා වාර්ෂිකව මිලියන දහයක පමණ දෙනා ගොදුරු වන අතර සෑම තතත්පර පහළොවකට වරක්ම ලොව කොතැනක හෝ පුද්ගලයෙකු ක්ෂය රෝගය හේතුවෙන් මිය යන බව ලෝක සෞඛ්‍ය සංවිධාන දත්ත අනාවරණ කරයි. ක්ෂය රෝගීන් වැඩි ප‍්‍රමාණයක් ජීවත්වන රටවල් ලෙස රටවල් විසි දෙකක් නම් කර තිබේ. ශ්රී ලංකාවද ඊට අයත් බව ක්ෂය රෝග මර්ධන හා ලය රෝග පිළිබඳ ජාතික වැඩිසටහන පෙන්වා දෙයි.
ශ්රී ලංකාවේ වසරකට ක්ෂය රෝගීන් 9000ක් පමණ බව වාර්තා වන බව සෞඛ්‍ය අංශ පවසයි.
