පසුගිය ඉරිදා අත්අඩංගුවට ගැණුනු ඉන්දීය ධීවරයින් 54 දෙනෙකු මෙලෙස නිදහස් කිරීමට ශ්‍රී ලංකා රජය පියවර ගෙන ඇති බව ඉන්දීය මාධ්‍ය වාර්තා කළේය.අදාළ ධීවරයින් පිරිස සමඟ ශ්‍රී ලංකා නාවික හමුදා භාරයට ගත් යාත්‍රා නිදහස් කර නොමැති බව ද වාර්තා වේ.
අද දිනයේ චෙන්නායිහිදී පැවැත්වෙන ඉන්දු ලංකා ධීවර සාකච්ඡාවලට සමගාමීව මෙම ධීවරයින් පිරිස නිදහස් කර ඇති බව ඉන්දීය මාධ්‍ය වාර්තා කළේය.
අදාළ ධීවරයින් නිදහස් කරන ලෙස ඉල්ලමින් තමිල්නාඩු රාමේෂ්වරම් ප්‍රදේශයේ ධීවරයින් ඊයේ දිනයේ වැඩ වර්ජනයක ද නිරත වී ඇත.
අද දිනයේ පැවැත්වෙන ධීවර සාකච්ඡාවලට සහභාගී වන්නේ ධීවරයින් පිරිස නිදහස් කරන්නේ නම් පමණක් බවට තමිල්නාඩු ප්‍රාන්ත රජය තීරණය කර තිබුණි.
ධීවරයින් පිරිස නිදහස් කරන බවට ශ්‍රී ලංකා රජයෙන් ලැබුණු පොරොන්දුවක් හේතුවෙන් ධීවර සාකච්ඡාව සඳහා සහභාගී වීමට තමිල්නාඩු ප්‍රාන්ත රජය තීරණය කළ බව ඉන්දීය මාධ්‍ය වාර්තා කළේය.
