අදාළ නඩුව අද(25) කැඳවු අවස්ථාවේදී යාපනය මහේස්ත්‍රාත් අධිකරණය විසින් මෙම නියෝගය නිකුත් කර ඇත.
අදාළ නඩුව පසුගිය දෙසැම්බර් මස 10 වන දින කැඳවා තිබු අතර එම අවස්ථාවේදී හිටපු අමාත්‍ය කෙහෙළිය රඹුක්වැල්ල මහතා සහ සුනිල් හඳුන්නෙත්ති මහතා අධිකරණය හමුවේ පෙනී නොසිටි බව වාර්තා වු අතර අද දිනට යළි නඩුව කල් දමා අදාළ පුද්ගලයින් දෙදෙනාට සිතාසි නිකුත් කරන ලදී.
යළි අදාළ නඩුව අද දිනයේ කැඳවු අවස්ථාවේදී හිටපු අමාත්‍ය කෙහෙළිය රඹුක්වැල්ල මහතා සහ පාර්ලිමේන්තු මන්ත්‍රී සුනිල් හඳුන්නෙත්ති මහතා අධිකරණය හමුවේ පෙනී නොසිට ඇති බව සඳහන්ය.
මේ හේතුවෙන් යළිත් ඒම නඩුව ජුලි මස 30 වන දිනට කල්දමා හිටපු අමාත්‍ය කෙහෙළිය රඹුක්වැල්ල මහතාට සහ පාර්ලිමේන්තු මන්ත්‍රී සුනිල් හඳුන්නෙත්ති මහතාට නැවතත් අධිකරණය විසින් සිතාසි නිකුත් කර ඇත.
ජන අරගල ව්‍යාපාරයේ දේශපාලන ක්‍රියාකාරීන් දෙදෙනෙකු වන ලලිත් කුමාර් වීරරාජු සහ කුහන් මුරුගානන්දන් යාපනයේදී පැහැරගැනීමට ලක්වු බව වාර්තා විය.
මේ අතර ලලිත් - කුහන්ගේ තොරතුරු ඉදිරිපත් කරන ලෙස ඉල්ලා යාපනයේ මධ්‍යම බස් නැවතුම්පොළ පරීශ්‍රවයේදී පෙරටුගාමී පක්ෂය විසින් අත්පත්‍රිකා බෙදාහැරීමේ ව්‍යාපාරයක් අද දියත් කර තිබුණි.
අද දෙරණ
