එමෙන්ම පසුගිය පොදු රාජ්‍ය මණ්ඩලීය රාජ්‍ය නායක හමුව වෙනුවෙන් ගෙන්වන ලද සුපිරි වෑන් රථ 5 ක් රාජපක්ෂ ආර්යාවගේ කාල්ටන් පාසල සඳහා නීති විරෝධි ලෙස ලබා දී ඇති බවත් එම රථ තවමත් එම පාසලේ භාවිතයට යොදා ගනිමින් සිටින බවත් ඔහු මෙහිදී පැවැසීය.
එමෙන්ම රාජපක්ෂ පවුලේ සී.එස්.එන්. රූපවාහිනී නාලිකාව ආරම්බයේදී ඊට රූපවාහිනී කැමරා ආදී ආම්පන්න කිසිවන් නොතිබුණ බැවින් ජනාධිපති මාධ්‍ය ඒකකයේ උපකරණ වසරක පමණ කාලයක් පුරා යොදා ගෙන තිබෙන බව හෙළිව ඇතැයිද ඔහු කීවේය.
මේ අතර තවත් හෙළිදරව් කිරීමක් කරමින් ඊයේ රාත්‍රියේදී වත්මන් ආණ්ඩුවේ ඇමතිකමක් දරන්නකු ඇතුලු ශ්‍රීලනීපයේ පාර්ලිමේන්තු මන්ත්‍රීවරු කිහිප දෙනෙකු හිටපු ආරක්ෂක ලේකම් ගෝඨාභය රාජපක්ෂව ඔහුගේ නිවසේදී පවුවී රජය පෙරළන කුමන්ත්‍රණකාරී සාකච්ඡාවක් පවත්වා ඇති බවත් ඔහු පවසයි.
