මෙම මහජන දුක්ගැනවිලි සඳහා සහන සැලසීමේ ක්‍රමවේදය ජනතා භාවිතයට විවෘත කිරීම ජනාධිපති මහින්ද රාජපක්ෂගේ ප්‍රධානත්වයෙන් සිදුකෙරිණ
මෙහි මුලික අදියරට අධ්‍යාපන, පරිසර,ගොවිජන සංවර්ධන වනසංරක්ෂණ, වාරිමාර්ග, වනජීවී සංරක්ෂණ, යන දෙපාර්තමේන්තුත් ජාතික ජලසම්පාදන හා ජලාපවහන මණ්ඩලයත් අයත් වෙයි.
දැනට මහජනතාවට මෙම ආයතන මගින් නිරාකරණය කර ගත යුතු දුක්ගැනවිලි ඉදිරිපත් කර විසඳුම් ලබා ගැනීමට අවස්ථාව සැලසෙනු ඇත.
ඉදිරි කාලයේ දී අනෙකුත් ආයතන මෙම ක්‍රියාවලිය සඳහා සම්බන්ධ කර ගැනීමට නියමිතය.
www.complainps.gov.lk වෙබ් අඩවියට පිවිසීමෙන් හෝ 1919 දුරකථන අංකයෙන් රාජ්‍ය තොරතුරු කේන්ද්‍රය ඇමතීමෙන් හෝ අදාළ ආයතන වල පිහිටුවා ඇති මහජන අවධාන කවුලු වලට යොමුකිරීමෙන් මහජන ගැටලු විසඳා ගැනීමට පහසුකම් සලසා ඇත.
එමෙන්ම එම දුක්ගැනවිල්ලේ වත්මන් තත්ත්වය කෙටි පණිවිඩයක් මගින් හෝ විද්‍යුත් ලිපියක් මගින් දැනගැනීම සඳහාද පහසුකම් සපයා ඇත.
