රැලියට සහභාගි නොවන ලෙස ශ්‍රී ලංකා නිදහස් පක්ෂය සිය පාක්ෂිකයන්ට දැනුම් දී තිබියදී එම නියෝග නොතකා මේ පිරිස රැලියට සහභාගි වී සිටියහ.
විදෙස්ගතව සිට පැමිණි බස්නාහිර පළාත් ප්‍රධාන අමාත්‍ය ප්‍රසන්න රණතුංග මහතා වේදිකාවට එක්වූ අතර ඔහු ප්‍රකාශ කර සිටියේ තමන් සමඟ බස්නාහිර පළාත් සභාවේ මන්ත්‍රීවරුන් සියයට අසූවක්ම සහභාගි වූ බවය.
රැස්වීම ආරම්භ කර සුළු මොහොතකින් ධාරාණිපාත වර්ෂාවක් ඇදහැලීමත් සමඟ මිනිසුන් වර්ෂාවේ තෙමි තෙමී වේදිකාවට ගොඩවීමට උත්සාහ කිරීම නිසා අසීරු තත්ත්වයක් උද්ගතව තිබිණ.
මාධ්‍යවේදීන් සඳහා ඉදිකර තිබූ අට්ටාලයේ මේසයක් මේ තදබදය නිසා කඩාවැටී ඇත.
මෙම රැලිය රත්නපුර නාගරික ක්‍රීඩා පිටිය අසල රථගාලේ පැවැත්වීම නිසා විශාල වාහන තදබදයක් පැවැති අතර වාහන සැතපුම් ගණන් පෝළිමට එහා මෙහා යාමට නොහැකිව නතර වී තිබෙනු දක්නට ලැබිණ.
රැළියට සහභාගී වූ මන්ත්‍රීවරු
මනුෂ නානායක්කාර,
රංජිත් ද සොයිසා,
සනී රෝහන කොඩිතුවක්කු,
ලොහාන් රත්වත්ත,
දිලුම් අමුණුගම,
මහින්දානන්ද අලුත්ගමගේ,
එස් එම් චන්දුසේන,
එස්.සී මුතුකුමාරණ,
ෂෙහාන් සේමසිංහ,
වයි.ජී පත්මසිරි,
ශ්‍රියානි විජේවික්‍රම,
ගාමිණි ලොකුගේ,
බන්දුල ගුණවර්ධන,
රෝහිත අබේගුණවර්ධන,
කුමාර වෙල්ගම,
සාලින්ද දිසානායක,
ටී.බී ඒකනායක,
උදිත ලොකුබණ්ඩාර,
චාම්ක බුද්ධදාස,
වී.කේ ඉන්දික,
ජානක බණ්ඩාර,
කමලා රණතුංග,
විදුර වික්‍රමනායක,
ගීතාංජන ගුණවර්ධන,
වීරකුමාර දිසානායක
රොෂාන් රණසිංහ
