ඒ අනුව දිවිනැගුම දෙපාර්තමේන්තුවේ සිදුවූයේ යැයි කියන වංචා සම්බන්ධයෙන් සිදුකරන පරීක්ෂණ සඳහා උපරිම සහාය ලබාදෙන බව හිටපු අමාත්‍ය බැසිල් රාජපක්ෂ මහතා පවසයි. තමා දින කිහිපයකින් මෙරටට පැමිණෙන බව නීතිඥයකු මාර්ගයෙන් දන්වා ඇති බව වාර්තාවේ.
කඩුවෙල මහෙස්ත්‍රාත් අධිකරණයෙන් මූල්‍ය අපරාධ කොට්ඨාසය බැසිල් රාජපක්ෂ මහතාගෙන් ප්‍රකාශයක් ලබාගැනීමට අවසර ඉල්ලා තිබුණි.
ඒ අනුව ඊට අදාළ නියෝගය සඳහන් ලේඛන ඒ මහතාගේ ගම්පහ, ඔරුතොට පිහිටි කාර්යාලයට භාරදී ඇති බව වාර්තා වේ.
ඒ මහතා වෙනුවෙන් ඉදිරිපත් වූ නීතිඥ පාලිත ප්‍රනාන්දු මහතා, පොලිස්පති, නීතිපති සහ මූල්‍ය අපරාධ කොට්ඨාසයේ ස්ථානාධිපතිවරයාට දන්වා ඇත්තේ, රාජපක්ෂ මහතා ළඟදීම දිවයිනට පැමිණ පරීක්ෂණවලට සහාය ලබාදෙන බවයි.
සබැදි පුවත්
බැසිල් ගෙන්වා ගැනීමට අධිකරණ නියෝගයක් - පොලිස් මාධ්‍ය ප්‍රකාශක
