නව මැතිවරණ ක්‍රමය යටතේ මීළඟ මැතිවරණය පැවැත්විය හැකි බවට මැතිවරණ කොමසාරිස්වරයා දැක්වූ අදහස් ගැන මේ වන විට දේශපාලන පක්ෂ නායකයන්ගේ ඉහළ අවධානයට ලක්ව ඇතැයි ද වාර්තා වේ.
මැතිවරණ සීමා නිර්ණය කිරීමේ කටයුතු අවසන් කර මාස තුනක් ඇතුළත නව මැතිවරණ ක්‍රමය යටතේ මීළඟ මැතිවරණය පැවැත්විය හැකි බව ඉහළ පෙළේ සාකච්ඡාවකදී මැතිවරණ කොමසාරිස්වරයා ප්‍රකාශ කර තිබුණි.
නව මැතිවරණ ක්‍රමයේදී පාර්ලිමේන්තුවේ ආසන සංඛ්‍යාව 250 දක්වා ඉහළ දැමීමට යෝජනා වී ඇතත් ඒ පිළිබඳව අවසන් තීරණයක් නොමැත.
ආසන ක්‍රමය යටතේ මන්ත්‍රීවරු සංඛ්‍යාවක් ද සමානුපාතික ක්‍රමය යටතේ තවත් මන්ත්‍රීවරු සංඛ්‍යාවක් ද තෝරා ගන්නා මෙම ක්‍රමයට ජාතික ලැයිස්තුවෙන් තෝරා ගන්නා මන්ත්‍රීවරු සංඛ්‍යාවක් ද ඇතුළත්ය.
silumina
