වත්කම් හෙළි කළ යුතු නිලධාරියෙකු වශයෙන් 2012 වසරේදී සිය වත්කම් හෙළි නොකිරීම පිළිබඳව වන නඩුවට කොළඹ මහේස්ත්‍රාත් අධිකරණයේ අද (31දා) පෙනී සටි පාර්ලිමේන්තු මන්ත්‍රී සජින් වාස් ගුණවර්ධන මහතා තමා නිවැරදිකරු යැයි කොළඹ ප්‍රධාන මහේස්ත්‍රාත් ගිහාන් පිලපිටිය මහතා ඉදිරියේදී පැවසුවේය.

අල්ලස් හෝ දූෂන චෝදනා විමර්ශන කොමිසම විසින් මේ සඳහා අදාළ නඩුව කොළඹ මහෙස්ත්‍රාත් අධිකරණයට ඉදිරිපත් කළේය. මන්ත්‍රීවරයාගේ විදේශ ගමන් බලපත්‍රය තාවකාලිකව තහනම් කළ මහේස්ත්‍රාත්වරයා නඩුව නැවතත් සැප්තැම්බර් මස පළමු වැනිදා පැවැත්වෙන බව දැනුම්දුන්නේය.

එහිදී විත්තිකරු රුපියල් 50,000ක මුදල් ඇපයක් සහ රුපියල් ලක්ෂ 10ක ශරීර ඇපයක් මත මුදාහැරීමට කොළඹ ප්‍රධාන මහේස්ත්‍රාත් ගිහාන් පිලපිටිය මහතා නියෝග කර ඇත.