එම ඉඩම් බදුදීමට පෙර කල්පිටිය දූපත් ආශ්‍රිතව දිගුකාලීනව ජලය, විදුලිය හා ප්‍රවාහන, වැනි යටිතල පහසුකම් සංවර්ධනය කෙරෙහි වැඩි අවධානය යොමු කර ඇති බව ශ්‍රී ලංකා සංචාරක සංවර්ධන අධිකාරිය පවසයි.
එසේම ඉඩම් හා ජීවනෝපාය අහිමි වීම ගැන එහි වෙසෙන ධීවර ජනතාව සමග සාකච්ඡා කර විසඳුමකට පැමිණීම ගැන ද අවධානය යොමුකරන බව එම අධිකාරිය පවසයි.
මේවන විට බලධාරීන් මෙම ව්‍යාපෘතියේ විමර්ශන කටයුතු ආරම්භ කර ඇති අතර ඉඩම් බදු දීම හා යටිතල පහසුකම් සංවර්ධනයට අනුගමනය කළ යුතු ක්‍රියා මාර්ග කෙරෙහි ද අවධානය යොමුව ඇත.
මෙම ව්‍යාපෘතිය රාජපක්ෂ පාලන සමයේදී ක්‍රියාවට නැංවීමට සූදානම් කළ එකකි.එම වකවානුව තුළ පරිසරවේදීන් සහ ධීවර ජනතාවගේ විරෝධය හමුවේ මෙම ව්‍යාපෘතිය හකුළා ගන්නට සිදුවූයේය.
වත්මන් අාණ්ඩුව යටතේ යළිත් පණ දීමට සූදානම් වන්නේ එම ව්‍යාපෘතියටය.
