ආර්. සම්බන්ධන් මහතා පවසන්නේ මේ වනවිට පාර්ලිමේන්තු නියෝජනයක් සහිත වන්නේ එක්සත් ජාතික පක්ෂය, එක්සත් ජනතා නිදහස් සන්ධානය, ඉලංගෙයි තමිල් අරසුකච්චි පක්ෂය (දෙමළ සන්ධානය) සහ ප්‍රජාතන්ත්‍රවාදී ජාතික පෙරමුණ යන පක්ෂ හතර පමණක් බවයි. නව ආණ්ඩුව යටතේ ශ්‍රී ලංකා නිදහස් පක්ෂය හා එක්සත් ජාතික පක්ෂය එක්ව කටයුතු කරන බැවින් මන්ත්‍රීවරුන් 13 කෙගෙන් සමන්විත එනම් වැඩිම නියෝජනයක් සහිතව දෙමළ සන්ධානය විපක්ෂය වී ඇති බවයි.
ඔහු පවසන පරිදි "මහජන එක්සත් පෙරමුණේ නායක දිනේශ් ගුණවර්ධනට මේ තනතුර ඉල්ලීමේ හැකියාවක් නෑ. ඔවුන් මැතිවරණයේදී තරඟ කළේ බුලත් කොලය ලකුණින් එක්සත් ජනතා නිදහස් සන්ධානය යටතේ. දැන් එක්සත් ජනතා නිදහස් සන්ධානය ආණ්ඩුවේම කොටසක්. මේ නිසා අපි තමයි විපක්ෂයේ සිටින විශාලම පක්ෂය. "
කෙසේවෙතත් මේ කාරණය කතානායක චමල් රාජපක්ෂ මහතා තීරණය කළයුතු දෙයක් බව සම්බන්ධන් මහතාගේ අදහසයි.
මේ පිළිබඳ තීරණය කතානායක වරයා විසින් හෙට ලබාදීමට නියමිතයි.
