එහෙත්, ටිරාන් අලස් මහතා විසින් එල්.ටි.ටි.ඊ. සංවිධානයට ආධාර අනුබල දෙමින් සිදුකර ඇති දේශද්‍රෝහී ක්‍රියා ගැන චම්පික රණවක අමාත්‍යවරයා විශේෂ අවධානයකින් සිටින බවද බස්නාහිර පළාත් සභා මන්ත්‍රී වර්ණසිංහ මහතා පැවසිය.
ඔහු මේබව කියා සිටියේ, අද උදැසන 'වී එෆ් එම් නාලිකාවේ සිද්දමුල්ල වැඩසටහනට එක්වෙමිනි.
පාර්ලිමේන්තු මන්ත්‍රී ටිරාන් අලස් මහතා විසින් එල්.ටි.ටි.ඊ. සංවිධානයට ලබාදී ඇති රුපියල් මිලියන 600ක මුදල හා රාජ්‍ය මූල්‍ය වංචාව සම්බන්ධයෙන් තොරතුරු රාශියක් 'දුෂණ විරෝධී පෙරමුණට' ලැබුන බවත්, ඒ අනුව එම සංවිධානයේ කැඳවුම්කාර මණ්ඩල සාමාජිකයකු වූ තමා ඒගැන පොලිස් මූලස්ථාන විශේෂ විමර්ශන ඒකකයට පැමිණිලි කල බවත් වර්ණසිංහ මහතා පැවසිය.
'' ටිරාන් විතරක් නෙමෙයි, මේ දේශද්‍රෝහී ක්‍රියාවට හිටපු ජනාධිපති මහින්ද රාජපක්ෂ මහතාත්, හිටපු ජනධිපති ලේකම් ලලිත් වීරතුංග මහතාත් සම්බන්ධයි. රාජපක්ෂ ආණ්ඩුව කොටින්ට ආධාර උපකාර කල බව මේ තොරතුරු වලින් සනාත වෙලා තියනවා '' යයි ද හෙළ උරුමයේ මාධ්‍ය ප්‍රකාශකවරයා සඳහන් කළේය.
මේ අතර මෙම කාරණය සම්බන්ධයෙන් පොලිස් මූලස්ථාන විශේෂ විමර්ශන ඒකකය පාර්ලිමේන්තු මන්ත්‍රී ටිරාන් අලස් මහතා ගෙන් පැය දෙකක් පුරා ඊයේ (9 දා) ප්‍රශ්න කර තිබේ.
ටිරාන් අලස් මහතා වෙත එල්ලවී ඇති එම මූල්‍ය වංචාවට අදාළ දැනට පරීක්ෂණය කෙරෙන කටයුතු සම්බන්ධයෙන් අදාළ ලිපිගොනු පවා ඒ මහතා වෙත ඉදිරිපත් කර එම ප්‍රශ්න කිරීම සිදුකර ඇත.
එහිදී ඔහු ඔහුට එල්ල වී ඇති එම චෝදනා සියල්ල තරයේ ප්‍රතික්ෂේප කර ඇත.
මේ සම්බන්ධයෙන් විදේශ ගමන් බලපත් තහනම් කර ඇති අධ්‍යක්ෂ මණ්ඩල සාමාජිකයින්ගෙන් මහා භාණ්ඩාගාරයේ නිලධාරීන් ගෙන් ද ජනාධිපති කාර්යාලයේ නිලධාරීන් ඇතුළු විශාල පිරිසකගෙන් ප්‍රශ්න කිරීමට ද නියමිතව ඇත.
srilankamirror
