හෙට දිනයේදී මෙහි ගෙවදීම සඳහා නැකත් බලා සියළු කටයුතු මහින්ද රාජපක්ෂ විසින් සූදානම් කර තිබිණි. මෙහිදී මාධ්‍යවේදීන් කැඳවා දේශපාලන සංදර්ශනයක් පැවැත්වීමටද ඔහු සූදානමින් පසුවිය. පසුගියදා ඉන්දියානු ජෝතිෂ්‍යවේදීන්ගේ උපදෙස් පරිදි මෙම ගොඩනැගිල්ලේ හා ඉඩමේ වෙනස්කම් රාශියක්ද සිදු කෙරිණි. එහෙත් අද උදෑසන ලියනගේ මහතා පැමිණ නිවසේ අලුත්වැඩියා හා සැරසිලි කරමින් සිටි පුද්ගලයන්ව පිටත් කර නිවසේ දොරඟුලු දා තිබේ. ඔහු ඔවුන්ට පවසා ඇත්තේ නිවස පැවැරීම සිදු නොවන බැවින් ඒ කටයුතු නැවැත් වියයුතු බවය.
මීට නිශ්චිත හේතුව දැන ගැනීමට නැතත්, මහින්ද රාජපක්ෂ මහතාට මෙම නිවස ලබාදීම සඳහා අදාල නීතිමය ලියලිවි අත්සන් කිරීම මඟහැරීම මෙයට හේතුව බව එම ආරචි මාර්ග සඳහන් කරයි. එහෙත් හෙට දිනයේදී මුදල් අක්‍රමිකතාවයක් ගැන ප්‍රකාශයක් සටහන් කර ගැනීම සඳහා ලියන්ගේ මහතාව අපරාධ පරීක්ෂණ දෙපාර්තමේන්තුවට කැඳවීම හේතුවෙන්, ඔහුට වත්මන් ආණ්ඩුවෙන් බලපෑම් එල්ල වීම නිසා ඔහු මෙම තීරණය ගෙන ඇති බවට රාජපක්ෂ හිතවතුන් ප්‍රචාරයක් ගෙන යාමට සූදානමින් පසුවන බවත් වාර්තාවේ. මුදල් විශුද්ධිකරන පනත යටතේ වූ වරදක් සම්බන්ධයෙන් ලියනගේ මහතාට චෝදනා එල්ලවී තිබේ.
