නොවැම්බර් 21 වැනිදා ජනාධිපතිවරණය පැවැත්වෙන දිනය ප්‍රකාශයට පත් කර තිබියදී එක්සත් ජාතික පක්ෂ මන්ත්‍රී හා මහ ලේකම් තිස්ස අත්තනායකට සෞඛ්‍ය ඇමැති ලෙස පත්කිරීම මහින්ද රාජපක්ෂ විසින් ලබා දුන් ඡන්ද අල්ලසක් බව නීතිවේදීහු කියති.
ගාලු වරායේ පාවෙන අවි නැවේද බණ්ඩාරනායක සම්මන්ත්‍රණ ශාලාවේද තිබී සොයාගත් අවි සම්බන්ධයෙන් ඇවන්ගාඩ් මැරිටයිම් සමාගමේ සභාපතිගේ සම්බන්ධය ගැන ගෝඨාභය රාජපක්ෂ මහතාගෙන් ප්‍රශ්න කිරීමට නියමිතය.
මේ අතර බැසිල් රාජපක්ෂ ලබන 21 වැනිදා ඇමරිකාවේ සිට ශ්‍රී ලංකාවට පැමිණීමට නියමිතඅතර ඔහුට එරෙහිව ඇති චෝදනාවලට පිළිතුරු බැඳීමට ඔහු සුදානමින් පසුවන බව වාර්තාවිය.
හිටපු ජනපති ලේකම් ලලිත් වීරතුංග විදුලි සංදේශ නියාමන කොමිසමේ ගනුදෙනුවක් සම්බන්ධයෙන් ලබන 21 වැනිදා අල්ලස් කොමිසම හමුවේ ප්‍රකාශයක් දීමටද නියමිතය.
ලබන සතිය වන විට ගිය ආණ්ඩුවේ ප්‍රබලයන් 6දෙනකු පමණ ප්‍රශ්න කිරීමට හෝ අත් අඩංගුවට ගැනීමට නියමිත බව රජයේ ආරංචි කියයි.
