ග්‍රාමීය ප්‍රදේශවල පවුලක සාමාන්‍ය මාසික වියදම රුපියල් තිස්‌හත්දහස්‌ පන්සිය හැට එකක්‌ බවද, වතුකරයේ පවුලක මාසික වියදම රුපියල් විසිනවදහස්‌ හත්සිය හැත්තෑ නමයක්‌ බව ද ඇමැතිවරයා පැවසිය.
නාගරික ගෘහ ඒකකයක ආහාර සඳහා රුපියල් දහඅටදහස්‌ පන්සිය දහතුනක්‌ද, ආහාර නොවන ද්‍රව්‍ය සඳහා රුපියල් හතළිස්‌දහස්‌ හාරසිය අසූහතක්‌ද මාසික වියදම වන අතර ග්‍රාමීය ගෘහ ඒකකයක ආහාර සඳහා රුපියල් දාහතර දහස්‌ හත්සිය හතරක්‌ද, ආහාර නොවන ද්‍රව්‍ය සඳහා රුපියල් විසිදෙදහස්‌ අටසිය පනස්‌ හතක්‌ වැය වන බව ද ඇමැතිවරයා සඳහන් කළේය.
වතු ක්‍ෂේත්‍රයේ ගෘහ ඒකකයකට ආහාර සඳහා රුපියල් දාහතරදහස්‌ හත්සිය හෑත්තෑ නමයක්‌ද ආහාර නොවන ද්‍රව්‍ය සඳහා රුපියල් පහළොස්‌දහසක්‌ද මාසිකව වැයවන බව කී ඇමැතිවරයා එක්‌ පවුලක්‌ සඳහා මාසිකව වැඩිම වියදම දරන්නේ කොළඹ දිස්‌ත්‍රික්‌කයේ බවද කීය.
ඔවුනගේ මාසික වියදම රුපියල් හැටතුන්දහස්‌ තිහක්‌ බවද ඉන් ආහාර සඳහා රුපියල් දහනව දහස්‌ දෙසිය හතළිස්‌ හයක්‌ද, ආහාර නොවන වියදම් සඳහා රුපියල් හතළිස්‌ තුන්දහස්‌ හත්සිය අසූහතරක්‌ වියදම් කරන බව ද ඇමැතිවරයා කීවේය.
(දිවයින)
