පියළි නොකළ වටානා පරිප්පු සඳහා බද්ද කිලෝග‍්‍රෑම් 01කට රුපියල් 22 සිට රුපියල් 15ක් දක්වා ද පියළි කළ වටානා පරිප්පූ සඳහා බද්ද කිලෝග‍්‍රෑම් 01කට රුපියල් 25 සිට රුපියල් 18ක් දක්වා ද අඩුකර තිබේ.

මුංඇට සඳහා අය කෙරෙන බද්ද කිලෝග‍්‍රෑම් 01කට රුපියල් 102 සිට රුපියල් 70ක් දක්වා අඩු කිරීමට නියමිතය. කවුපි සඳහා බද්ද ද කිලෝග‍්‍රෑම් 01කට රුපියල් සියයේ සිට රුපියල් 70ක් දක්වා අඩු කෙරේ.

පියළි නොකළ කඩල සඳහා බද්ද කිලෝග‍්‍රෑම් 01කට රුපියල් 12සිට රුපියල් 07ක් දක්වාත් පියළි කළ කඩල සඳහා බද්ද කිලෝග‍්‍රෑම් 01කට රුපියල් 15 සිට රුපියල් 10ක් දක්වාත් අඩු කෙරෙනු ඇත.

රටතුළ පවතින නියඟය හේතුවෙන් දේශිය ධාන්‍ය සැපයුම පහත වැටීම නිසා වෙළෙඳ පොලෙහි ධාන්‍ය හිඟයක් ඇතිවීම වලක්වා ගැනීමට මෙම බදු සංශෝධනය සිදුකළ බව මුදල් හා ක‍්‍රම සම්පාදන අමාත්‍යංශය වැඩිදුරටත් කියා සිටියි.