පසුගිය කාල සීමාව ඇතුළත එවැනි ළමා ලිංගික අපචාර කීපයක් ම වාර්තා කෙරුණත් අපරාධකරුවන් අත්අඩංගුවට ගෙන ඔවුන්ට එරෙහිව නඩු පැවරීමට බලධාරීන් අසමත් වූ බව කාන්තා උද්ඝෝෂකයන් කියා සිටියේය.
යාපනයේ එම විරෝධතා ව්‍යාපාරයට සීයකට අධික කාන්තා ක්‍රියාධාරිනියන් එක්ව සිටි බව වාර්තාවේ.
කරෙයිනගර් පළාතේ බාල වයස්කාර දැරියන් දෙදෙනකු දූෂණය කරන ලද බවට පසුගියදා පැමිණිලි කෙරුණ අතර ඒ සම්බන්ධයෙන් චෝදනා කෙරුනේ එම දැරියන් වෙසෙන ගම්මානය අසල පිහිටි නාවික හමුදා කඳවුරක භටයන් කීප දෙනකුටය.
එහෙත් එම ළමා ලිංගික අපචාර වලට වග කිව යුතු අපරාධකරුවන් අත්අඩංගුවට ගැනීමට බලධාරීන් මෙතෙක් අසමත්ව ඇත.
(සංදේශය)
