ඔහු මේ බව ප්‍රකාශ කර සිටියේ මොහාන් ලාල් ග්‍රේරු පදනමේ අනුග්‍රහයෙන් නුගේගොඩ ලයිසියම් ජාත්‍යන්තර පාසල මඟින් නොමිලේ ආරම්භ කරන ලද මුල් ළමා විය සංවර්ධන අධ්‍යාපන ගුරු පුහුණු ඩිප්ලෝමා පාඨමාලාවෙහි සමාරම්භයට එක් වෙමිනි.
මෙහිදී තවදුරටත් අදහස් දැක් වූ මොහාන් ලාල් ග්‍රේරු මහතා, වර්තමානය වන විට හඳුනාගෙන තිබෙනවා ගණිතයට ඉහළ දක්‍ෂතා දක්වන්නේ 11% ක් වැනි ප්‍රතිශතයක් කියා. ළමයෙකුගේ ගණිත දැනුම ලකුණු පහක් දහයක් වැනි ඉතාම පහල අගයක් ගන්නවා නම් එතන ගැටලුවක් තියෙන්න පුළුවන්, නමුත් ඒ දරුවන්ගේත් විභව්‍ය හඳුනාගත්තොත් ඔහුගේ හැකියාව තුළින් ඉදිරියට යා හැකි මාවතක් පෙන්වා දෙන්න අපට පුළුවන් වෙන්න ඕන.
උපදින ඕනෑම දරුවෙකු තුල ගණිතය හා තර්කනය, වාචසික හා භාෂාමය, කායික සංචලන, දෘශ්‍ය හා අවකාශමය, සංගීතය හා රිද්මයානූකූල, අන්තර් පුද්ගල, පුද්ගල ඇතුලාන්ත, ස්වභාවධර්මය පිළිබඳ, චිත්ත වේග හා සංදෘෂ්ටික ලෙස බුද්ධීන් අඩු වැඩි වශයෙන් පිහිටනවා.
මේවා මනා ලෙස හඳුනාගෙන වත්මන් පරම්පරාවේ ඇති සියලුම හොඳ දේ, ගුණ ධර්ම, ආගම දහම අත්දැකීම් ආදිය ඊලඟ පරම්පරාවට පවරාදී එම පරම්පරාවේ දරුවන් ඇතුලත ඇති විවිධ හැකියා විභවයන්, උද්දීපනය වීම. සංවර්ධනය වී ඔවුන්ගේ නව නිර්මාණ එකතුවෙන් සමාජය සංවර්ධනය කළ හැකි අධ්‍යාපන ක්‍රියාවලියක් ඇති කිරීමයි, රටේ අධ්‍යාප ප්‍රතිපත්ති සම්පාදකයන් විසින් සිඳු කළ යුතු වන්නේ යැයි පාර්ලිමේන්තු මන්ත්‍රී මොහාන් ලාල් ග්‍රේරු මහතා වැඩිදුරටත් ප්‍රකාශ කර සිටියේය.
මෙම අවස්ථාවට මහරගම ජාතික අධ්‍යාපන ආයතනයෙහි ප්‍රාථමික අධ්‍යාපන දෙපාර්තමේන්තුවේ ජේයෂ්ඨ කථිකාචාර්ය නීතීඥ ග්‍රේෂන් කුලරත්න, ලයිසියම් ජාත්‍යන්තර පාසල් සමූහයේ සම්බන්ධීකරණ විදුහල්පති කුමාරි ග්‍රේරු පොල්ගොල්ල ජාතික අධ්‍යාපන විද්‍යාපීඨයේ හිටපු උප පීඨාධිපති මාලා ද සිල්වා යන මහත්ම මහත්මීන් ඇතුලු අධ්‍යාපනඥයින් රැසක් ද මුල් ළමාවිය සංවර්ධන ගුරු පුහුණු පාඨමාලාව හැදෑරීම සඳහා එක්දහස් පන්සීයකට ආසන්න අභ්‍යාසලාභීන් ප්‍රමාණයක් එක්ව සිටියහ.
