අපරාධ පරීක්ෂණ දෙපාර්තමේන්තුව මගින් ඇවන්ට්ගාඩ් සිද්ධිය සම්බන්ධයෙන් මේ වන විට පරීක්ෂණ පහක් සිදු කර එම පරීක්ෂණවලට අදාළ ලිපිගොනු මේ වනවිට නීතිපති දෙපාර්තමේන්තුව වෙත ලබා දී තිබේ.
මෙම සිද්ධිය සම්බන්ධයෙන් එල්ල වී ඇති චෝදනාවලට වගකියන පස්දෙනකු හඳුනාගෙන ඇති අතර ඔවුන් වන්නේ ඇවන්ට්ගාඩ් සමාගමේ සභාපති නිශ්ශංක සේනාපති, අධ්‍යක්ෂක මංජුල කුමාර, හිටපු ආරක්ෂක ලේකම් ගෝඨාභය රාජපක්ෂ, රක්නා ලංකා සමාගමේ අධ්‍යක්ෂ පාලිත ප්‍රනාන්දු, ආරක්ෂක අමාත්‍යාංශයේ හිටපු අතිරේක ලේකම් ඩී. එම්. එස්. ජයරත්න යන අය වෙති.
මෙම පස්දෙනා සම්බන්ධයෙන් අපරාධ පරීක්ෂණ දෙපාර්තමේන්තුව විසින් නීතිපතිවරයාට නිර්දේශ ඉදිරිපත් කර ඇතත් ඔවුන් කිසිවෙක් මේ දක්වා අත්අඩංගුවට පත් නොවීම සම්බන්ධයෙන් අදාල ඇමැතිවරයා විසින් දේශපාලන ප්‍රධානින්ට බලපෑම් කරමින් තිබේ.
කෙසේ නමුත් වාර්තාවන ආකාරයට මෙම සිදු වීම සම්බන්ධයෙන් බරපතල චෝදනාවක් එල්ල වී ඇත්තේ ගෝඨාභය රාජපක්ෂට හා අතිරේක ලේකම් වරයාටය. සේනාධිපතිට එරෙහිව වන චෝදනා පදනම් විරහිත බව පෙනී යන බව මේ සම්බන්ධයෙන් තතු දත් අරංචි මාර්ග පවසයි. ඔහුව අත්අඩංගුවට ගැනීමට බල කරන්නේ අදාල ඇමැතිවරයා හා ඔහු අතර වන පෞද්ගලික අමනාපයකට බවත් දැන ගැනීමට ඇත.
