තැපැල් දෙපාර්තමේන්තුව මගින් දේශීය අධිවේගී තැපෑල ක්‍රමවත්ව පවත්වාගෙන නොයැමත් දූෂණ හා අක්‍රමිකතාවලට මුල්තැන දී ක්‍රියා කිරීමත් නිසා මෙවැනි පාඩුවක්‌ සිදුව තිබෙන බව ලංකා තැපැල් සේවා සංගමයේ ලේකම් ජයන්ත විඡේසේකර මහතා පැවසීය.
මේ වනවිට කුරුණෑගල සිට බදුල්ල දක්‌වාත් රත්නපුර සිට හම්බන්තොට දක්‌වාත් වූ අධිවේගී තැපැල් සේවාව මුළුමනින්ම නවතා දමා ඇති බව හෙතෙම අනාවරණය කළේය.
''ලාභ ලැබිය හැකි තරගකාරී ව්‍යාපාරයක්‌ වන අධිවේගී තැපෑල මෙලෙස කඩාවැටෙන්නේ තැපැල් දෙපාර්තමේන්තුවේ සිටින දූෂිත නිලධාරීන් නිසයි. තැපෑල දියුණු කරන්න මේ අයට උවමනාවක්‌ නැහැ. අධිවේගී තැපෑල විනාශ කරන්නේ පෞද්ගලික කුරියර් ආයතන පොහොසත් කිරීමටද යන සැකය අද අපිට ඇතිවී තිබෙනවා '' යෑයිද ජයන්ත විඡේසේකර මහතා වැඩිදුරටත් පැවසීය.
