එකක් වන්නේ යුක්රේනයේ කැරලිකරුවන් සමඟ හොර අවි ජාවාරමක නිරතව සිටි බවට යුක්රේන රාජ්‍ය බලධාරීන් විසින් සිදු කරනු ලැබු චෝදනාවට අදාළ පරීක්ෂණයයි. මෙරට ගුවන් හමුදාවට මිග් 27 යානා 4 මිළ දී ගැනීමේ තැ‍රැව්කරුවා ලෙස උදයංග වීරතුංග විසින් බ්‍රිතාන්‍යයේ ලිපිනයක් සහිත ව්‍යාජ සමාගමක්(Bellimissa Holdings Ltd 2nd Floor, 145-157 St John Street, London. ) ඉදිරිපත් කර මිලියන් ගනනක කොමිස් මුදලක් උපයා ගැනීමට උත්සහ කිරීම අනෙක් චෝදනාවයි.
විදේශ මැති මංගල සමරවීර පවසන පරිදි උදයංග වීරතුංග ටෙහෙරානයේ ශ්‍රී ලංකා තානාපති කාර්යාලයට ඇමතුමක් ලබාදී තමන් නම් කළ පුද්ගලයට අදාළ කන්ටේනරය නිදහස් කර දෙන ලෙස විදේශ අමාත්‍යංශයට උපදෙස් දෙන ලෙස ඉල්ලා ඇත. මුල්‍ය අපරාධ ඒකකයට උදයංග වීරතුංගගෙන් ප්‍රශ්න කිරීමට ඇතත් ඔහුව සොයා ගැනීම අපහසු වී තිබේ.
ලබන සතියේ උදයංග වීරතුංගට ඇති චෝදනා තව දුරටත් විමර්ෂණය කිරීම සඳහා පරීක්ෂක කණ්ඩායමක් යුක්රේනයේ අගනුවර බලා පිටත් වීමට නියමිතයි. මේ අතර ජාත්‍යන්තර පොලීසිය මගින් Bellimissa Holdings Limited නමින් බ්‍රිතාන්‍යයේ සමාගමක් නොමැති බව මුල්‍ය අපරාධ ඒකකය වෙත තහවුරු කර තිබේ. ගුවන් හමුදාවට මිග් 27 යානා 4 මිළ දී ගැනීමේ තැ‍රැව්කරුවා ලෙස උදයංග වීරතුංග නම් කර ඇති එම සමාගම ව්‍යාජ එකක් බව මේ අනුව තවුරුව ඇත.
