ජනාධිපති කොමිෂන් සභාව වෙත මහජනතාව වෙතින් මේ වන විටත් පැමිණිලි 400ක් ලැබී ඇතැයි සඳහන් කළ ලේකම්වරයා එයින් පැමිණිලි 116ක් අනිවාර්යෙන්ම විමර්ශනයට ලක්කරන ගණයෙහිලා පැමිණිලි බව ද සඳහනක් කළේය.

මේ අතර පසුගිය රජය සමයේ ප්‍රබල අමාත්‍යධුර දැරූ 2 දෙදෙනෙකු සම්බන්ධයෙන් සිදු කළ විමර්ශනයන් අවසන් කර අවසන් වාර්තා සකස් කර ඇති අතර එයින් දැවැන්ත මූල්‍ය අක්‍රමිකතා 5 සම්බන්ධයෙන් වාර්තා නීතිපතිවරයා වෙත යොමු කර තිබේ. ඉතිරි විමර්ශන වාර්තා 16 ළඟදීම නීතිපතිවරයා වෙත යෙමු කිරීමට නියමිත බව අල්ලස් හෝ දූෂණ විමර්ශන කොමිෂන් සභාවේ ඉහළ නිලධාරියෙකු සඳහන් කළේය.

මේ අතර පසුගිය ආණ්‌ඩුවේ විවිධ තරාතිරම් දැරූ දේශපාලනඥයන් සහ රජයේ නිලධාරීන් 169 දෙනකුට විරුද්ධව පොලිස්‌ මූල්‍ය අපරාධ විමර්ශන කොට්‌ඨාසයට පැමිණිලි ලැබී ඇත.

මෙම පැමිණිලිවලින් 31 දෙනකුට එරෙහිව අධිකරණයට කරුණු වාර්තාකර ඇතැයි පොලිස්‌ මාධ්‍ය ප්‍රකාශක සහකාර පොලිස්‌ අධිකාරි රුවන් ගුණසේකර මහතා පැවසීය.