ශ්‍රී ලංකාවේ ප්‍රමුඛතම ජාතික සංගම් වන ක්‍රිකට්‌, වොලිබෝල්, මලල ක්‍රීඩා ආදී සංගම් අත්සන් තබා ඇති මෙම ලිපිය ශ්‍රී ලංකා වොලිබෝල් සම්මේලනයේ උප සභාපති බණ්‌ඩාර හේරත් මහතා විසින් ජනාධිපතිතුමා වෙත බාරදී ඇත.
විශේෂයෙන්ම වසර හතරේ නීතිය හේතුවෙන් අද්දැකීම් සහිත පරිපාලකයන් ජාතික සංගම්වලට බිහි වීම සහ ජාත්‍යන්තර සංගම් වලට ශ්‍රී ලංකාව නියෝජනය කරමින් පරිපාලකයන් බිහිවීමට ඇති අවස්‌ථාව අහිමි වීම ආදී කරුණු ගණනාවක්‌ ගැන මෙහිදී ජනාධිපතිවරයාගේ අවධානය යොමු කිරීමට ක්‍රීඩා සංගම් බලධාරින් පියවර ගෙන තිබේ.
ජාතික ජල ක්‍රීඩා සංගමයේ හිටපු සභාපතිවරයෙක්‌ වශයෙන් ක්‍රීඩා පරිපාලනයට මෙවැනි නීති මගින් උද්ගතවන අයහපත් බලපෑම ගැන ජනාධිපති මෛත්‍රිපාල සිරිසේන මහතාට තේරුම් ගැනීම අපහසුවක්‌ නොවනු අතැයි මෙහිදී ක්‍රීඩා සංගම් සිය විශ්වාසය පළකර ඇත.
අදාළ කරුණ ඉදිරිපත් කිරීමෙන් අනතුරුව මේ සඳහා අනිවාර්යයෙන්ම තමන් මැදිහත් වන බවට ජනාධිපතිවරයා පොරොන්දු වු බව බණ්‌ඩාර හේරත් මහතා පැවැසීය.
divaina
