මුල්‍ය අපරාධ අංශය මේ වනවිට බැසිල් රාජපක්ෂ ඇමති ධුරය දැරූ ආරථික සංවර්ධන අමාත්‍යංශයට අයත් දිවි නැගුම ව්‍යාපෘතියට අදාළ අරමුදල් යෙදවීම පිළිබඳ පරීක්ෂණයක් පවත්වයි. මේ වනවිට එම අරමුදල්වලට අදාළ මූල්‍ය වංචාවක් සම්බන්ධයෙන් බැසිල් රාජපක්ෂ සහ තවත් නිලධාරීන් තුන් දෙනෙක් අත්අඩංගුවට ගෙන රක්ෂිත බන්ධනාගාර ගතකර ඇත.
පරීක්ෂණ වලදී අනාවරණය වී ඇත්තේ රාජපක්ෂ පවුලට හිතවත් පුවත්පත් ආයතන සඳහා දිවි නැගුමේ මුදල් මාසිකව ලබාදී ඇති බවයි. එම පුවත්පත් ආයතනවල ප්‍රධානීන්ගෙන්ද මේ සම්බන්ධව ප්‍රකාශ සටහන් කර ගැනීමට නියමිතයි. මෙම ප්‍රධානීන් බොහොමයක් මේ වනවිට විදේශ ගතව සිටින අතර ඔවුන් රාජපක්ෂ පවුලේ නියෝජිතයන් ලෙස මෙම ආයතන වල කටයුතු කර ඇති බවට අනාවරණය වී තිබේ.
පසුගිය රජය රාජපක්ෂලා විවිධ පුවත්පත් ආයතන වල කොටස් නියෝජිතයන් හරහා මිලදී ගත් බවට චෝදනා එල්ල වී තිබේ.
