හිටපු අධ්‍යාපන ඇමති බන්දුල ගුණවර්ධන ඔවුන්ගේ මූලික අයිතිවාසිකම් කඩවී ඇති බවත් ඒ වෙනුවෙන් රාජපක්ෂ ජනාධිපතිවරයාගේ පිරිසක් සමග ජීනීවා මානව හිමිකම් කොමිසමට යන බවට ප්‍රකාශයක් සිදු කර ඇති බව අකිල විරාජ් අමාත්‍යවරයා පැවසුවේය. පසුගිය රාජපක්ෂ ආණ්ඩු සමයේදී විපක්ෂයේ සිටි අය ජිනීවා යනවිට දේශද්‍රෝහීන් ලෙස හැදින්වූ බවත් ජිනීවා වල ඇත්තේ කොටි සංවිධානයට සහාය දෙන ස්ථානයක් බවත් එහි යන්නේ දේශද්‍රෝහීන් බව පවසමින් හඩනැගූ බවත් අමාත්‍යවරයා සදහන් කළේය.

මේ වනවිට ඔවුන්ට එම කතා අමතකව ඇති බවත් අද ඔවුන් ජිනීවා යන්නේ දේශද්‍රෝහීන් නිසාද යනුවෙන් තමා ඔවුන්ගෙන් ප්‍රශ්න කරන බවත් අමාත්‍යවරයා පැවසුවේය.

ඔවුන් වත්මන් අගමැතිවරයාට විරුද්ධව විශ්වාසභංගයක් ගෙන ඒමට සූදානම් වන බව පවසන මුත් ජනවාරි 08 දා භංගවූයේ ජනතාව තුළ රාජපක්ෂ ආණ්ඩුව කෙරෙහි තිබූ විශ්වාසය බව අමාත්‍යවරයා පැවසුවේය. මහින්ද රාජපක්ෂ හිටපු ජනාධිපතිවරයා අගමැති අපේක්ෂකයා ලෙස ඉදිරිපත් කිරීමට පාර්ලිමේන්තුවේ 113 කගේ විශ්වාසය පළකර පෙන්වන ලෙස රාජපක්ෂව අවශ්‍යයි කියා පවසන කණ්ඩායමට අභියෝග කරන බව අකිල විරාජ් කාරියවසම් මහතා වැඩිදුරටත් පැවසුවේය.

{soundcloud}https://soundcloud.com/lankadaily/akila-virajmp3{/soundcloud}