රෝහල් අධ්‍යක්ෂ වෛද්‍ය අර්ජුණ තිලකරත්න මහතා සඳහන් කළේ බැක්ටීරියා ආසදනයක් හේතුවෙන් මෙම පියවර ගෙන ඇති බවයි.
අදාළ ඒකකය වසා දමා විෂබීජ හරණය කිරීමේ කටයුතු ආරම්භ කර ඇති බව අර්ජුණ තිලකරත්න මහතා සඳහන් කළේය.
මාතලේ දැඩි සත්කාර ඒකකයේ ප්‍රතිකාර ලබා මියගිය රෝගියෙකුගේ රුධිර සාම්පලවල අදාළ බැක්ටීරියාව තිබී ඇති බවට අනාවරණය වී තිබේ.
ඒ අනුව එම ඒකකයට රෝගීන් ඇතුළත් කරගැනීම තාවකාලිකව නතර කර ඇති අතර එළඹෙන අඟහරුවාදා දිනයේ යළිත් රෝගීන් ඇතුළත් කර ගැනීමට බලාපොරොත්තු වන බව වෛද්‍ය අර්ජුණ තිලකරත්න මහතා වැඩිදුරටත් සඳහන් කළේය.
(අද දෙරණ)
