නීති විරෝධී අලි ඇතුන් වනයෙන් රැගෙන විත් රඳවා තබාගෙන විකිණීම සිදු කළැයි කියන සිද්ධියට අදාළව කොළඹ ප්‍රධාන මහෙස්ත්‍රාත් ගිහාන් පිලපිටිය මහතා ඉදිරියේ මෙම නඩුව යළි කැඳවූ අවස්ථාවේ රහස් පොලිසිය එ් බව සඳහන් කළේය.
මෙම සිද්ධියට අදාළ වූ වනජීවී දෙපාර්තමේන්තුවේ හිටපු නියෝජ්‍ය අධ්‍යක්ෂ පැස්කුවල් ෆොන්සේකාලාගේ උපාලි පත්මසිරි මෙම නඩුවේ ෙතවැනි සැකකරු ලෙස මේ වන විටත් රක්ෂිත භාරයේ පසුවේ.
පළමු සැකකරු වන සමරප්පුලිගේ නිරාජ් රොෂාන් නොහොත් “අලි රොෂාන්” නමැති තැනැත්තාගේ දෙවැනි සැකකාරිය වන වනජීවී දෙපාර්තමේන්තුවේ අලි ඇතුන් ලියාපදිංචි කිරීමේ විෂය භාරව කටයුතු කළ ලිපිකාරිනියක වූ ප්‍රියංකා සංජීවනී නමැත්තියත් ඊයේ අධිකරණයේ පෙනී සිටිෙය්ය.
මෙහිදී රහස් පොලිසිය පැවසූයේ අලි 11 දෙනෙක් රඹුක්කන පින්නවල අලි අනාථාගාරයේ අධිකරණ නියෝග මත රඳවා තබා තිබෙන බවයි. එක්තරා අලි පැටවකු සම්බන්ධයෙන් තොරතුරක් ලැබි එය වැටලීමට ගිය අවස්ථාවේදී ඒ අලි පැටවා අස්ථානගතවී අැති බවත් පැවසුවේය. මහරගම විපස්සනාරාමයේ භූමිය තුළ සිදු කරන ලද කැණීම් සිදු කෙරෙමින් පවතින බවත් නීතිපති උපදෙස් අනුව සියලුම අලි ඇතුන් සම්බන්ධයෙන් විමර්ශනය කෙරෙමින් පවතින බවයි.
