අමාත්‍යවරයා මේ බව පැවසුවේ ‘Ease of Doing Business (ව්‍යාපාර කිරීමේ පහසුව) සඳහා වූ වැඩසටහනේ සමාරම්භක අවස්ථාවට එක්වෙමිනි.
ශ්‍රී ලංකාව තුළ ඇති වූ නව වෙනස හේතුවෙන් ව්‍යාපාරිකමය වශයෙන් චීනය, ඉන්දියාව, යුරෝපා සංගමය, ජපානය සහ කොරියාව වැනි හිතවත් රටවල් රැසක් යළි මෙරට ආයෝජන අවස්ථා සඳහා පැමිණීමේ අපේක්ෂාවෙන් සිටින බව අමාත්‍යවරයා පැවසුවේය.
මෙමගින් සිදු වන්නේ ව්‍යපාරිකයන් සහ ඔවුන්ගේ ව්‍යපාරයන්ට අදාළ රාජ්‍ය ආයතන අතර වේදිකාවක් නිර්මාණය කිරීම ය. ව්‍යපාරිකයන් මුහුණ දෙන ගැටලූ පහසුවෙන් විසඳා ගැනීම සඳහා වඩාත් පහසු පරිසරයක් එමගින් නිර්මාණය වන බව අමාත්‍යවරයා පැවසුවේය.
ඒ ඔස්සේ සිය ගැටලූ විසඳා ගැනීමට අවස්ථාව ඔවුන්ට හිමි වන අතර ව්‍යපාර වැඩි දියුණු කර ගැනීමේ අවස්ථාව ද ඔවුන්ට හිමි වෙයි.
සමාරම්භක උත්සවය මිලෝදා හි පැවැති අතර ඊට විවිධ මට්ටමේ ව්‍යාපාරිකයෝ සියයකට අධික පිරිසක් එක්ව සිටියහ. මුදල් අමාත්‍යංශ ලේකම් ආචාර්ය ආර්.එච්.එස් සමරතුංග මහතා ඇතුළු අමාත්‍යාංශ රැසක ලේකම්වරු මෙන් ම රාජ්‍ය ආයතන 30කට අධික සංඛ්‍යාවක ඉහළ නිලධාරීහු ද ඊට එක් විය.
මෙහි දී ව්‍යාපාරිකයන්ට සිට ගැටලූ ඉදිරිපත් කිරීම සඳහා වන වෙබ් අඩවියක් ජාලගත කිරීම ද සිදු විය.
