එම සීමා නිර්ණය කිරීම සඳහා විශේෂ කමිටුවක් පත්කර ඇති අතර කමිටුව විසින් කොට්ඨාශ සීමා නිර්ණය කිරීමට අදාළ කටයුතු 95% ක් පමණ අවසන් කර ඇති බව එම අමාත්‍යංශයේ ලේකම් ජී. දඩල්ලගේ මහතා සඳහන් කළේය.
අදාළ කමිටුව විසින් නිර්දේශ ඉදිරිපත් කිරීමෙන් අනතුරුව ඊට අදාළ ගැසට් නිවේදනය ජනාධිපතිවරයාගේ අත්සනින් යුතුව නිකුත් කිරීමට නියමිතය.
ඉන් අනතුරුව ඉදිරි පළාත් පාලන මැතිවරණය පැවැත්වීම කොට්ඨාශ ක්‍රමයට අනුව සිදුකිරීමට බලාපොරොත්තු වන බව රාජ්‍ය පරිපාලන අමාත්‍යංශ ලේකම් ජී.දඩල්ලගේ මහතා සඳහන් කළේය.
මේ අතර පළාත් පාලන ආයතන 234 ක බලය ඊයේ මධ්‍යම රාත්‍රියේ සිට කොමසාරිස්වරුන් යටතට පත්ව තිබේ.මහනගර සභ 03 ක් , නගර සභා 30 ක් සහ , ප්‍රාදේශීය සභා 201 ක බලය මෙලෙස කොමසාරිස්වරයෙකුගේ පාලනයට පත්ව ඇත.
අදාළ පළාත්පාලන ආයතන වල කාලය ඊයේ මධ්‍යම රාත්‍රියේ සිට අවසන් වීම හේතුවෙන් නීත්‍යානුකූලව ඒවායේ පාලනය කොමසාරිස්වරයෙකු යටතට පත්වීම සිදුවෙයි.
කෙසේ වෙතත් මෙම තීරණයට විරෝධය පළ කරමින් දිවයින පුරා පළාත් පාලන ආයතන වල කළු කොඩි ඔසවා විරෝධතා ව්‍යාපාරයක්ද සිදුවේ.
