ශ්රී ලංකාව දියුණු රටක් බවට පත්කිරීමට නම් ග‍්‍රාමීය ආර්ථිකය ශක්තිමත් කළ යුතු බව පැවසු විපක්ෂ නායකවරයා, කෘෂිකර්මාන්තය දියුණු කිරීමට වත්මන් ආණ්ඩුවට නිසි වැඩපිළිවෙළක් නොමැති බව පෙන්වා දුන්නේය.
ෙමේ නිසා රට විශාල රැසකට මුහුණ දී සිටින බව පැවසු විපක්ෂ නායකවරයා, එක්සත් ජාතික පක්ෂ ආණ්ඩුවක් යටතේ කෘෂි කර්මාන්තය දියුණු කර ග‍්‍රාමීය ආර්ථිකය ශක්තිමත් කිරීමට කටයුතු කරන බව අවධාරණය කර සිටියේය.
ශ්‍රීලනිප පිරිසක් එජාපයට එති
මේ අතර, එම රැස්වීම අතරවාරයේ රනිල් වික්රමසිංහ මහතා හමුවීමට පැමිණි, ලග්ගල හත්තොට අමුණ ප්‍රදේශයේ ශ්රී ලංකා නිදහස් පක්‍ෂයේ ක්‍රියාකාරී සාමාජිකයින් පිරිසක්, ඔහු සමග සාකච්ජාකර එක්සත් ජාතික පක්ෂ සාමාජිකත්වය ලබාගත්තේය.
රනිල් වික්රමසිංහ මහතාගේ දූරදර්ශී නායකත්වය පිළිබඳව පැහැදී තමන් එජාපයට එක්වූ බව ඔවුහු පැවසුහ.
එක්සත් ජාතික පක්‍ෂය විසින් ක‍්‍රියාත්මක කරණු ලබන 'ජනජය' වැඩසටහනට සමගාමීව රනිල් වික්රමසිංහ මහතා ඊයේ මාතලේ ලග්ගල ආසනයේ සංචාරයක නිරත විය.
ඊයේ උදෑසන ලග්ගල ශ්රී ඉසිපතනාරාමයට පැමිණි විපක්‍ෂනායකවරයා පළමුව ආගමික වතාවත්වල යෙදිණ.
විල්ගමුව ජනජය වැඩසහන අතරතුර විල්ගමුව ත‍්‍රීරෝදරථ කරුවන්ගේ සංගමයේ සාමාජිකයින් සමග ඔවුන් මුහුණදෙන වෘත්තීය ගැටළු සම්බන්ධයෙන් විපක්‍ෂනායක රනිල් වික්රමසිංහ මහතා සාකච්ඡා කළේය.
වැව් ඉස්මත්තේ තරුණ හමුව:
ලග්ගල වෙහෙරගලයායට පැමිණි රනිල් වික්රමසිංහ මහතා වෙහෙරගල වැව් ඉස්මත්තේ පැවති තරුණ හමුවකට සහභාගී විය. විශේෂයෙන් එම අවස්ථාවේදී වෙහෙරගලයාය තරුණ තරුණියන් මුහුණපාන ගැටලු මෙන්ම ප‍්‍රදේශවාසී ජනතාවට බරපතළ වශයෙන් බලපාන වකුගඩු රෝගය හා ජල ගැටළුව සම්බන්ධයෙන් විශේෂ අවධානයක් යොමුකෙරිණ.
වෙහෙරගල ගම්මානයේ පැවති ඡන්දපොළ නියෝජිතයින් දැනුවත් කිරීමේ වැඩසටහනකට ද රනිල් වික්රමසිංහ මහතා සහභාගී විය. එම අවස්ථාවේදී ජනතා විමුක්ති පෙරමුණේ ලග්ගල ආසනයේ ප‍්‍රබලයෙක් වන විල්ගමුවේ රන්ජන් නිශ්ශංක ගුරු මහතා රනිල් වික්රමසිංහ මහතාගේ සුරතින් එක්සත් ජාතික පක්‍ෂයේ සාමාජිකත්වය ලබාගත්හ.
