පසුගිය ආණ්ඩු සමයේදී එ.ජ.නි.ස. මන්ත්‍රීවරුන්ට මුදල් අයකර ගැනීමකින් තොරව ඉහළින් පැමිණි නියෝග මත පළාත් සභා අමාත්‍යාංශය විසින් යතුරුපැදි ලබාදී ඇති බව බස්‌නාහිර පළාත් සභා නිලධාරියෙක්‌ පැවැසීය.
තම පළාතේ පළාත් සභා පළාත් පාලන අමාත්‍යාංශයට මුදල් ගෙවා ලදුපත ලබාගෙන වාහන ගෙන්වා බෙදහරින සමාගමට මුදල් ගෙවූ ලදුපත ඉදිරිපත් කර යතුරුපැදි ලියාපදිංචි කිරීමේ පොත ලබා ගන්නා ලෙස නගර සභා, ප්‍රාදේශීය සභා ලේකම්වරුන් මාර්ගයෙන් හිටපු මන්ත්‍රීවරුන්ට රජය දැනුම් දී ඇත.
මේ අතර වාහන ලියාපදිංචි කිරීමේ පොත නොමැති වීම නිසා ඉකුත් 15 වැනිදා සිට මෙම මන්ත්‍රීවරුන්ට මහ මග යතුරු පැදියෙන් ගමන් කිරීමට නොහැකි තත්ත්වයක්‌ උද්ගත වී ඇතැයිද වාර්තා වේ.
ලියාපදිංචි කිරීමේ පොත නොමැතිව යතුරුපැදි සඳහා වාර්ෂික බලපත්‍රය ලබා ගැනීමටත් යතුරුපැදිය රක්‌ෂණ කර ගැනීමටත් මෙම මන්ත්‍රීවරුන් නොහැකි වී ඇත.
සමහර මන්ත්‍රීවරුන් මෙම යතුරුපැදි මහ මග ධාවනය කිරීමට නොහැකි නිසා නිවෙස්‌වල ගාල් කර ඇතැයිද වාර්තා වේ.
දිවයින
