ටිරාන්ව අත් අඩංගුවට ගැනීමට සූදානමක්

Published in පුවත්
Wednesday, 20 May 2015 07:24

සුනාමි ව්‍යසනයෙන් විපතට පත් උතුරු නැ‍ඟෙනහිර ජනතාවට නිවාස ඉදිකිරීම සඳහා මහා භාණ්ඩාගාරයෙන් රාඩා ආයතනයට ලබා දුන් රුපියල් මිලියන 124ක මුදලක් වංචා කිරීමේ සිද්ධිය සම්බන්ධයෙන් රාඩා ආයතනයේ සභාපතිවරයා ලෙස කටයුතු කළ පාර්ලිමේන්තු මන්ත්‍රී ටිරාන් අලස් මහතා අත්අඩංගුවට ගැනීමට පරීක්ෂණ සිදුකරන්නේ යැයි පොලිස් විශේෂ විමර්ශන ඒකකයේ නිලධාරීහු ඊයේ (19) කොටුව මහේස්ත්‍රාත්වරයාට දැනුම් දුන්හ.

ඒ සඳහා අත්අඩංගුවට ගෙන සිටින සැකකරුවන්ගෙන් අනාවරණය වූ තොරතුරු අනුව වැඩිදුර පරීක්ෂණ පවත්වන්නේ යැයි ද එම නිලධාරීහු දැනුම් දුන්හ.

තරාතිරම නොබලා එකී වංචාවට සම්බන්ධ සියලු දෙනා අත්අඩංගුවට ගන්නා බව පසුගිය 13 වැනි දාත් විමර්ශන නිලධාරින් අධිකරණයට දැනුම් දුන්නත් මෙතෙක් කිසිම බලගතු අයකු අත්අඩංගුවට ගෙන නොමැති බව එම අවස්ථාවේදී ජනාධිපති නීතිඥ අනිල් සිල්වා මහතා අධිකරණයට පෙන්වා දුන්නේය.

එලෙස කටයුතු කරන විමර්ශන නිලධාරින් රජයේ සේවකයකු වන තම සේවා දායකයා අත්අඩංගුවට ගෙන තවදුරටත් රිමාන්ඩ් භාරයේ තැබීමට සැලසුම් කරනවා මිස වෙනත් දෙයක් නොකරන්නේ යැයි ද එම නඩුවේ සිව්වන සැකකාර රාඩා ආයතනයේ ප්‍රධාන මෙහෙයුම් නිලධාරිවරයා ලෙස කටයුතු කළ සාලිය අමරසූරිය මහතා වෙනුවෙන් පෙනී සිටි ජනාධිපති නීතිඥ අනිල් සිල්වා මහතා වැඩිදුරටත් පෙන්වා දුන්නේය.

එම වංචාව සම්බන්ධයෙන් මේ වනවිට අත්අඩංගුවට ගෙන සිටින සැකකරුවන් පස්දෙනාම ලබන මස 1 වැනිදා දක්වා තවදුරටත් රක්ෂිත බන්ධනාගාර ගතකිරීමට කොටුව මහේස්ත්‍රාත් ප්‍රියන්ත ලියනගේ මහතා ඊයේ (19) නියෝග කළේය.

ගජන් ශාන්ති කුමාර්, ආනන්දි ශාන්ති කුමාර්, කන්දසාමි සෝදිරාජා, සාලිය වික්‍රමසූරිය හා ෆුල්වුඩ් කිරිහරන් සුදන් එලෙස රක්ෂිත බන්ධනාගාර ගතකළ සැකකරුවෝ වෙති. එම සැකකරුවන් අතරින් පළමු දෙවන, තෙවන හා සිව්වන සැකකරුවන් පෙර අවස්ථා දෙකකදී අත්අඩංගුවට ගෙන අධිකරණයට ඉදිරිපත් කොට තිබූ අතර පස්වන සැකකාර කිරිහරන් සුදන් නමැත්තා නව සැකකරුවකු ලෙස විමර්ශන නිලධාරීන් ඊයේ අධිකරණයට ඉදිරිපත් කොට තිබුණි. පළමුවන සැකකාර ගජන් ශාන්ති කුමාර් නමැත්තාගේ මිතුරකු යැයි කියන පස්වන සැකකරු එම වංචාවෙන් ලබාගත් රුපියල් මිලියන 10 ක චෙක්පතක් අලුත්කඩේ ප්‍රදේශයේ පිහිටි පෞද්ගලික බැංකුවක සිය පියා නමින් පවත්වාගෙන යන ගිණුමක තැන්පත් කොට මුදල් ලබාගෙන එම මුදල් එල්. ටී. ටී. ඊ. සංවිධානයේ ප්‍රධාන පෙළේ බුද්ධි අංශ නායකයකු වන එමිර්කාන් නමැත්තාට ලබා දී ඇති බවට තොරතුරු ලබා දී ඇතැයි ද විමර්ශන නිලධාරීහු එහිදී අධිකරණයට පෙන්වා දුන්හ.

එබැවින් එම ගිණුම් හිමියා නමින් එම බැංකුවේ පවත්වාගෙන යන සියලුම ගිණුම් පිළිබඳ වැඩිදුරටත් පරීක්ෂා කිරීමට අවශ්‍ය බව පෙන්වා දෙමින් විමර්ශන නිලධාරීන් කළ ඉල්ලීමට අවසර දුන් මහේස්ත්‍රාත්වරයා ඒවා පරීක්ෂා කිරීමට අවසර දෙන ලෙසට එම බැංකුවේ කළමනාකරුට නියෝගයක් නිකුත් කළේය.

dinamina

Last modified on Wednesday, 20 May 2015 07:45

Leave a comment

ld add copy

Gossip

ලේක්හවුස් අලුත් සභාපති හනුමට ඇඳගෙන ගේමක් ඉල්ලයි   

ලේක්හවුස් අලුත් සභාපති හනුමට ඇඳගෙන ගේමක් ඉල්ලයි  

සීමාසහිත එක්සත් ප්‍රවත්ති පත්‍ර සමාගමේ නව සභාපතිවරයා ලෙස පත්ව ආ ගාමිණී වරුෂමානගේ ක්‍රියාකාරීත්වය පිළ...

ජනප්‍රිය නිළි ශලනියි නිහතයි අතරට අලුත ආ අමුත්තා ..මෙන්න කතාව

ජනප්‍රිය නිළි ශලනියි නිහතයි අතරට අලුත ආ අමුත්තා ..මෙන්න කතාව

ශලනි තාරකා දැන් එයාගේ ජීවිතේ අලුත් පිටුවක් පෙරලමින් ඉන්නේ විවාහයත් එක්ක. ජනප්‍රියම නිළිය විදියට තවමත...

ටිල්වින් ඉවත් වෙයි..බිමල් එයි?   

ටිල්වින් ඉවත් වෙයි..බිමල් එයි?  

ජනතා විමුක්ති පෙරමුණේ ලේකම් ටිල්වින් සිල්වා මහතා මෙතෙක් කල් තමන් දැරූ තනතුරෙන් ඉවත්ව එම වගකීම් සියල්...

සජබ ට නායකත්ව මණ්ඩලයක්. විපක්ෂ නායක ධුරයට හර්ෂ ?

සජබ ට නායකත්ව මණ්ඩලයක්. විපක්ෂ නායක ධුරයට හර්ෂ ?

ඉදිරි මැතිවරණ ජයග්‍රහණය සඳහා සමගි ජනබලවේගය මෙහෙයවීමට නායකත්ව මණ්ඩලයක් පත් කිරීමට යෝජනා වී ඇතැයි දේශය...

අනං මනං

Connet With Us