පසුගිය රාජපක්ෂ පාලන සමයේදී රජපක්ෂවරුන්ගේ හුරතලෙකු බවට පත්ව සිටි අසංග සෙනෙවිරත්න නාමල් රාජපක්ෂගේ රග්බි ගුරුවරයා ලෙසද සැලෙකෙන අතර රග්බි සම්මේලනයේ සභාපතිවරයා ලෙසද කටයුතු කරයි.
කෙසේ නමුත් මේ වන විට මූල්‍ය අපරාධ ඒකකය විසින් කොටස් වෙළඳපොළ දූෂණ හා තවත් මූල්‍ය දුෂණ පරීක්ෂණ වලදී ඔහුගේ නම ද ඈඳුන පරීකෂණ කිහිපයක්ම පැවැත්වීම හේතුවෙන් සෙනෙවිරත්න මහතා සිය ගිණුම්වල් මුදල් සෙලවීමත් නවතා දමා ඇත. ඔහු කොටස් වෙලඳපොළ අධ්‍යක්ෂකවරයකුද වේ. සන්ඩෙලීඩර් ඉරුදින පුවත්පත් හී සේවකයන්ට වැ‍ටුප් ගෙවීම ප්‍රමාද වීම සම්බන්ධයෙන් එම සේවකයන් කළ ප්‍රශ්න කිරීම් වලදි එම පරිපාලනය පවසා ඇත්තේ ආණ්ඩුව, සෙනෙවිරත්න මහතාගේ ව්‍යාපාර කටයුතු කෙරෙහි ඇහැගහගෙන සිටින නිසා කිසිදු මූල්‍ය කටයුත්තක් මේ දිනවල සිදු නොකරන බවය. සේවකයන්ට වැ‍ටුප් ගෙවීමට මුදල් යෙදවුවහොත් එම මුදල් ලැබුණෙ කොහෙන්දැයි හෙළිවිය හැකි නිසා වැ‍ටුප් ගෙවීම ප්‍රමාද කිරීමට සිදුව ඇති බවද පවසා ඇත.
කෙසේ නමුත් මෙම පුවත්පත් ආයතනය රාජපක්ෂපලන සමයේදි ඝාතනයට ලක්වූ ලසන්ත වික්‍රමතුංග මහතාගේ සොහොයුරාට අයත්ව තිබී රාජපක්ෂවරුන්ගේ අනුග්‍රහය යටතේ සෙනෙවිරත්න මහතා වැඩි කොටස් ප්‍රමණයක් මිලදී ගෙන එම පුවත්පත් රාජපක්ෂ පාලනයට හිතෛශී පුවත්පත් ලෙස පවත්වාගෙන ගියේය.
