මෙම නඩුවේ 10 වැනි විත්තිකරු ලෙස නම් කර ඇති ජානක බණ්ඩාර ගලබොඩට සිතාසි ලබාදීමට නොහැකි වූ නිසා ඔහු නොමැතිව අපරාධ නඩු විදාන සංග්‍රහය යටතේ මෙම නඩුව විභාගයට ගැනීමට අවශ්‍ය පියවර ගන්නා ලෙස රජයේ නීතිඥවරයා අද උසාවියට දැනුම්දී තිබේ.

පසුගිය 28 වැනිදා කොළඹ මහාධිකරණ‍ය හමුවේ මෙම නඩුව කැඳවූ අවස්ථාවේ එය අද (22) විභාගයට ගැනීමට තීරණය විය.

භාරත ලක්ෂමන් ප්‍රේමචන්ද්‍ර මහතා ඇතුළු සිව්දෙනකු 2011 ඔක්තෝබර 08 වැනිදා සවස කොළොන්නාවේ සිදුවූ වෙඩි තැබීමකින් ඝාතනයට ලක් වූයේ පළාත් පාලන මැතිවරණය පැවති 2011 ඔක්තෝබර 08 සවස වැනිදා සවස මුල්ලේරියාව, වල්පොළ හන්දියේදී භාරත ලක්ෂ්මන් පාර්ශ්වය හා දුමින්ද සිල්වා පාර්ශ්වය අතර ඇතිවූ ගැටුමකදීය.

මෙම ඝාතනය සම්බන්ධයෙන් පාර්ලිමේන්තු මන්ත්‍රී දුමින්ද සිල්වා මහතා ඇතුළු විත්තිකරුවන් 12දෙනෙකුට චෝදනා එල්ල වී අැත.