සිවිල් ආරක්ෂක බලකා සෙබලුන්ගේ සේවය ස්ථීර කිරීමෙන් අනතුරුව ඔවුන් මෙම රාජකාරී කටයුතු සඳහා යෙදවීමට නියමිතව තිබේ.ඒ සඳහා කැබිනට් අනුමැතිය ද හිමිව ඇති බව සිවිල් ආරක්ෂක දෙපාර්තමේන්තුව සඳහන් කළේය.
1986 වසරේ පිහිටවු සිවිල් ආරක්ෂක දෙපාර්තමේන්තුවේ සියලු සේවකයින් ස්ථීර කිරීමට සහ ඔවුන්ට විශ්‍රාම වැටුපක් ලබාදීමට පසුගියදා කැබිනට් අනුමැතිය හිමිවුණි.
ඒ අනුව 39,000කට අධික සිවිල් ආරක්ෂක බලකා නිලධාරින්ට පත්වීම් ලිපි ප්‍රදානය කිරීම ලබන 31 වන දින ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් සිදුකිරීමට නියමිතය.
ඉදිරියේ දී මෙරට ක්ෂේත්‍ර රැසක් සඳහා සිවිල් ආරක්ෂක නිලධාරීන්ගේ සේවය ලබාදීමට පියවර ගන්නා බව සිවිල් ආරක්ෂක දෙපාර්තමේන්තුව සදහන් කරයි.
