මෙම මූලික අයිතිවාසිකම් පෙත්සම සලකා බැලීම හෙට දිනයේ (27දා) සිදුකිරීමට නියමිතව අැත.
දෛනික කාලසටහන අනුව මැයි මස (27දා)ට නියමිත විනිසුරු මඬුල්ල ලෙසට අගවිනිසුරු කේ.ශ්‍රී පවන්, විනිසුරු ඊවා වනසුන්දර සහ විනිසුරු රෝහිණී මාරසිංහ යන විනිසුරුවරුන් හමුවේ හිටපු අමාත්‍යවරයා ගොනුකර තිබූ පෙත්සම කැඳවීමට නියමිතය.
එහෙත් එම පෙත්සම කැඳවන අවස්ථාවේ විනිසුරු මඬුල්ලෙන් ඉවත්ව සිටීමට විනිසුරු ඊවා වනසුන්දර මහත්මිය තීරණය කොට ඇති අතර, ඒ වෙනුවට විනිසුරු ප්‍රියසාත් ඩෙප් මහතා මේ වනවිට නම් කොට ඇත.
මේ අතර පාර්ලිමේන්තු මන්ත්‍රී ටිරාන් අලස් මහතා, ආර්ථික සංවර්ධන අමාත්‍යාංශයේ හිටපු ලේකම් ආචාර්ය නිහාල් ජයතිලක, දිවිනැගුම අරමුදලේ අධ්‍යක්ෂක ජෙනරාල් කිත්සිරි රණවක සහ දිවිනැගුම කලාපීය අධ්‍යක්ෂ බන්ධුල තිලකසිරි යන අය ගොනුකළ පෙත්සම්ද මෙදිනම කැඳවීමට නියමිතය.
එම පෙත්සම් අගවිනිසුරු කේ. ශ්‍රී පවන්, විනිසුරු ඊවා වනසුන්ද සහ විනිසුරු රෝහිණී මාරසිංහ යන විනිසුරු මඬුල්ල හමුවේ කැඳවීමට නියමිතය.
පසුගිය දිනක පුරවැසි බලය සංවිධානය විසින්ද පැවසුවේ ඊවා වනසුන්ද හිටපු ජනපති මහින්ද රාජපක්ෂගේ ළගම හිතමිතුරියක් බවත් අැයට එම තනතුර ලැබුනේ ඒ හිතවත්කම හේතුවෙන් බවයි. මේ නිසා හිටපු ආරක්ෂක ලේකම් ගෝඨාභය රාජපක්ෂ අත්අඩංගුවට ගැනීම වලක්වාලමින් ශ්‍රේෂ්ඨාධිකරණය ප්‍රකාශයට පත් කළ අතුරු තහනම් නියෝගය ලබා දීමේ විනිසුරු මඩුල්ලේ කටයුතු කිරීමට ඊවා වනසුන්දට සදාචාරාත්මක අයිතියක් නැති බවට විවේචන එල්ලවූයේය.
සබැදි පුවත්
