ප්‍රධාන පෙළේ දේශපාලන ආරංචි මාර්ග සඳහන් කරන ආකාරයට මෛත්‍රිපාල සිරිසේන මහතා මෙහිදී වැඩිදුරටත් පවසා ඇත්තේ තමන් ශ්‍රී ලංකා නිදහස් පක්ෂයේ සභාපතිවරයා ලෙස එම තීරණය ගෙන ඇති බවයි.
වාසුදේව නානායක්කාර මන්ත්‍රීවරයා විසින් මෙම පක්ෂ නායක රැස්වීමේදී සඳහන් කර ඇත්තේ ජනාධිපතිවරයා ලෙස මෛත්‍රිපාල සිරිසේන මහතාත්, අගමැතිවරයා ලෙස මහින්ද රාජපක්ෂ මහතාත් කටයුතු කිරීමෙන් සන්ධානයට වඩා යහපත් ඉදිරි ගමනක් ඇති බවයි. ඊට පිළිතුරු දෙමින් ජනාධිපතිවරයා මෙසේ අදහස් දක්වා ඇත. මහින්ද රාජපක්ෂ මහතා ගැන සියල්ලන්ටම වඩා තමන් දන්නා බවත්, ඔහුට දැන් අවශ්‍ය වී ඇත්තේ බැලට් එකෙන් කළ නොහැකි වූ දේ බුලට් එකෙන් කරන්න යැයිද ජනාධිපතිවරයා මෙහිදී වැඩිදුරටත් පසා තිබේ.
