එදා හෙල්පින් හම්බන්තොට සිද්ධිය පිළිබඳ දැඩි ලෙස විවේචනය කළ හිටපු අගවිනිසුරුවරයා අද වනවිට එම ස්ථාවරයන් වෙනස් කර තිබීම පුදුම සහගත බවත් ඔහු නීතිය ගැන දන්නා බව සැබෑ මුත් ආර්ථිකය ගැන නොදන්නා දේ කතා කිරීම තුළ සිදුවන්නේ නැති දෙයක් මතු කිරීමක් බවත් පැවසුවේය.

පසුගියදා කොළඹදී පැවති සම්මන්ත්‍රණයකට එක්වෙමින් හිටපු අගවිනිසුරු සරත් එන් සිල්වා කළ ප්‍රකාශයකට පිළිතුරු ලෙස මුදල් අමාත්‍ය රවී කරුණායක මේ බව සඳහන් කළේය.

පසුගිය දිනක රේගු අධ්‍යක්ෂක ජගත් විජේවීර තම ධුරයෙන් ඉවත් වූයේ තර්ජනය කිරීම නිසා බවට ප්‍රවෘත්ති පළ වූ බවද අමාත්‍යවරයා පැවසුවේය. එවැනි බොරු චෝදනා සම්බන්ධව නීතිමය පියවර ගැනීමට කටයුතු කරන බවද පැවසුවේය. ජගත් විජේවීර මහතාම ලිපියක් මගින් දැනුවත් කර ඇත්තේද මෙය අමූලික බොරුවක් බවයි. ජගත් විජේවීරම එසේ ඉදිරිපත්ව සත්‍ය පැහැදිලි කිරීම ගැන සතුටු වන බවද පැවසුවේය.

පසුගිය මහින්ද යුගයේ රේගුව හරහා අවුරුදු 6ක් අපනයනයන් හොරෙන් සිදු කර ඇති බවත් ආණ්ඩුවට තඹ සතයක් ලැබී නැති බවත් පැවසුවේය. නව ආණ්ඩුව මගින් මෙය නැවැත්වූ බවත් ඒ අයට ඇමරිකානු ඩොලර් මිලියන පන්දහසක් කන්ටේනරයකට ගෙවීමට සිදුකළ බවත් පැවසුවේය. නමුත් පුවත්පත් කිහිපයක් මගින් මෙය වැරදි ලෙස වාර්තා කර ඇති බවත් පැවසුවේය.

නමුත් වත්මන් රජය යටතේ බිද වැටී තිබූ ලංකාවේ ආර්ථිකය යළි වර්ධනීය අඩිතාලමකට රැගෙන ආ බව පැවසුවේය.

සම්පූර්ණ හඩ පටයට පහතින් සවන් දෙන්න

{soundcloud}https://soundcloud.com/lankadaily/ravi2015-05-29-111439{/soundcloud}