එබැවින් රටේ මුදල් අමාත්‍යවරයා ලෙස තමන් ඉටු කළ යුත්තේ ජනවාරි මස 8 වැනි දා යහපාලනය වෙනුවෙන් ජනතාව තැබූ බලාපොරොත්තු මිස, ජනතාවගෙන් ප්‍රතික්ෂේප වූවන්ගේ අපේක්ෂාවන් නොවන බවයි අමාත්‍යවරයා පෙන්වා දෙයි.
පසුගිය කාලය ජනතාව ගත කළේ දැඩි පීඩනයකින් බවත් ඔවුන්ට ආර්ථික නිදහස පමණක් නොව ජීවත් වීමේ නිදහස ද අහිමි තිබූ අතර දුප්පත් ජනතාවට නැගීසිටීම සඳහා ගොඩනගා තිබූ බැංකුවලින් ණයක් ලබා ගැනීමට හැකි වූයේ රාජපක්ෂ පාලනයේ හිතවතුන්ට පමණක් බව සදහන් කරයි. ඔවුන් කෙතරම් ජනතාවගේ ආර්ථික තත්ත්වය හෑල්ලුවට ලක් කළා ද කිවහොත් මසක් ජීවත් වෙන්නට රුපියල් 2,500ක් ඇතැයි අද ආණ්ඩුව විවේචනය කරන අය එදා පැවසූ බවද සදහන් කරයි.
රේගු අධ්‍යක්ෂ ජනරාල්වරයාගේ පෞද්ගලික හේතුවක් මත ඉල්ලා අස්වූවිට ඔවුන් අසත්‍ය ප්‍රචාර පතුරුවන්නේ ඊට හේතුව ආණ්ඩුවේ නොහැකියාව බව පවසමිනි. එහෙත් එදා ආණ්ඩුවේ හෙන්චයියන් වෛද්‍ය ක්‍රිස් නෝනිස් මහතා වැනි රාජ්‍ය තාන්ත්‍රිකයකුට තමන් ඉදිරියේ පහර දෙන විට දී අද ආණ්ඩුවට චෝදනා කරන ඇතැමුන් කටයුතු කළ ආකාරය කිසිවකුටත් අමතක කළ නොහැකියි.
ජනවාරි 8 වැනි දා ජනතාව අවසන් කළේ එවැනි පාලනයකි. දැන් මෛත්‍රී රනිල් යහපාලන ආණ්ඩුව ඉටු කරමින් සිටින්නේ ජනතාවගේ අපේක්ෂාවන් ය. එබැවින් රටේ ආර්ථිකයත් සමග කරන දේශපාලනය මෙම පරාජිතයන් දැන්වත් නවතා දැමිය යුතු බව අමාත්‍යවරයා අවධාරණය කරයි. රාජපක්ෂ හිතවාදීන් සුළුතරයක් අතට ගලාගෙන යමින් තිබූ මුදල් දුප්පත් ජනතාවගේ සාක්කුවට වැටෙන යුගය ආරම්භ කර තිබේ.
වසර 12ක කාලයක් පැවැති පාලනය ලබා නොදුන් සහන ක්ෂණිකව ලබා දීමට මෛත්‍රී රනිල් යහපාලන ආණ්ඩුව පියවර ගැනීම හේතුවෙන් ඉදිරියේදී අත්වන නියත පරාජයට විපක්ෂය හේතු සොයමින් සිටින බවයි මුදල් අමාත්‍යවරයා සිය නිවේදනය මගින් වැඩිදුරටත් පෙන්වා දෙයි.
