මේ අනුව තවත් එච්. අයි. වී/ඒඩ්ස්‌ වයිරසය ශරීර ගතවූවන් 1508 ක් පමණ රට තුළ සිටියද තවමත් හඳුනාගැනීමට නොහැකි වී ඇතැයි ඔහු කීවේය.
එක්‌සත් ජාතීන්ගේ ඒඩ්ස්‌ වැඩසටහනෙහි ඉලක්‌කය වී ඇත්තේ වසර 2030 වන විට ශ්‍රී ලංකාවෙන් ඒඩ්ස්‌ රෝගය තුරන් කිරීම බව පැවසූ වෛද්‍ය රණතුංග මහතා මෙහිදී ශ්‍රී ලංකාවෙන් වාර්තා වන ඒඩ්ස්‌ රෝගීන්ගේ සංඛ්‍යාව මෙන්ම ඒඩ්ස්‌ මරණ සංඛ්‍යාව බිංදුව කිරීම ඉලක්‌ක කර ගෙන වැඩසටහන් දියත් කරන බව අවධාරණය කළේය.
දැනටමත් මෙරට එච්. අයි. වී/ඒඩ්ස්‌ වයිරසය ශරීර ගතවූ මවකගෙන් දරුවාට එම වයිරසය සම්ප්‍රේෂණය වීම සම්පූර්ණයෙන් වළක්‌වා ඇති දකුණු හා අග්නිදිග ආසියාතික කලාපයේ ප්‍රථම රට ශ්‍රී ලංකාව බවද ඔහු කීවේය. පසුගිය වසර තුළදී එසේ එච්. අයි. වී/ඒඩ්ස්‌ වයිරසය ශරීරගත වූ මවුවරුන් 8 දෙනෙකු පමණ තම දරුවාට වයිරසය සම්ප්‍රේෂණය නොවී දරුවන් බිහි කළ බවත් සෞඛ්‍ය අමාත්‍යාංශය හරහා එම මවුවරුන් සඳහා එච්. අයි. වී වයිරසය සඳහා ලබාදෙන නිවැරදි බෙහෙත් වර්ග නොමිලයේ ලබාදීම හා ප්‍රතිකාර සේවාවන් මෙම තත්ත්වයට මුල් වූ බව හෙතෙම සඳහන් කළේය.
කොළඹ පැවැති මාධ්‍ය හමුවකදී ඔහු මෙම කරුණු අනාවරණය කළේය.
divainaa
