ඒ අනුව පාර්ලිමේන්තුව යළි ජූනි 09 වන දින දක්වා කල්තබන ලදී.
ව්‍යවස්ථාදායක සභාවට පත්කිරීමට යෝජිත සිවිල් සමාජ ක්‍රියාකාරීන් තිදෙනා සම්බන්ධයෙන් අවසන් එකඟතාවයක් ලබාගෙන මෙම තිදෙනා පත්කිරීමට කථානායකවරයාගේ ප්‍රධානත්වයෙන් අද පක්ෂ නායකයින්ගේ රැස්වීමේදී පැය එක හමාරක් පමණ සාකච්ඡා කරනු ලැබුවද අවසන් තීරණයක් ගැනීමට නොහැකිවී තිබේ.
ඒ අනුව අගමැතිවරයා හා විපක්ෂ නායකවරයා විසින් යෝජිත නම් සඳහන් පුද්ගලයින්ගේ කැමැත්ත මේ වන තෙක් ලිඛිතව ලබාගෙන නොමැති නිසා එකී කැමැත්ත ලබාදිය යුතු බවට කථානායකවරයා විසින් දැනුම්දී ඇත.
ඒ අනුව එළඹෙන 09 වන දින සිවිල් ක්‍රියාකාරීන් තිදෙනාගේ ලිඛිත කැමැත්ත සහිතව පක්ෂ නායකයින්ගේ රැස්වීමට පැමිණෙන බව අගමැතිවරයා විසින් ප්‍රකාශ කර ඇත.
