ඒ සඳහා පනවා තිබූ ඇතැම් කොන්දේසි ලිහිල් කළ බවද අමාත්‍යවරයා අද (04) පැවසුවේය.

වලංගු රියදුරු බලපතක් තිබීම අත්‍යවශ්‍ය යැයි තිබූ කොන්දේසිය ඉවත් කළ බවත් ඉල්ලුම්පත් පිළිබඳ සියලු තොරතුරු මෙවර සති අන්ත පුවත්පත්වල පළ කරන බවත් ජනමාධ්‍ය අමාත්‍යවරයා පැවසුවේය.

හෝමාගම දියගම ශ්‍රී ලංකා ගුවන්විදුලි සංස්ථාව සතු ඉඩමේ මාධ්‍යවේදීන් සඳහා නිවාස 1500ක් පමණ කඩිනමින් සාදා නිමකරන බවත් ඒ සඳහා දෙස් විදෙස් ආයෝජකයන්ට ආරාධනා කරන බවත් ඇමැතිවරයා වැඩිදුරටත් පැවසීය.

ඉදිරියේදී මාධ්‍යවේදීන් වෙනුවෙන් තවත් සුබසාධන වැඩපිළිවෙලක් සූදානම් කර ඇති බවත් කල්තියා ඒ ගැන පවසනවාට වඩා සියල්ල සැළසුම් කර අවසන්වූ පසු ඒ පිළිබදව නුදුරු දිනකදීම දැනුම් දෙන බවත් පැවසුවේය.

මෙරට ජනතාව පසුගිය ජනවාරි 8දා කැළෑ නීතිය පළවා හැරිය බවත් ඇතැමුන් රටේ සංවර්ධනය නතර වී ඇති බවට චෝදනා එල්ල කළද සංවර්ධනය නතර නැති බවත් නතරවී ඇත්තේ සංවර්ධනය මුවාවෙන් සිදු කළ සාක්කු සංවර්ධනය හා පවුල් සංවර්ධනය බවත් පැවසුවේය.

{soundcloud}https://soundcloud.com/lankadaily/gayantha2015-06-04-105029{/soundcloud}