තමාට විරුද්ධව එල්ල කළ හැකි වෙනත් චෝදනා නොමැති බැවින් විමල් වීරවංශගේ බයියන් පිරිසක් විසින් තමාගේ කීර්ති නාමය විනාශ කිරීමට තම ඡායාරූප සහ මාධ්‍ය අායතන වල ලාංඡන අැතුළත් කරමින් තමා නොකියූ දේ පළ කරන බව පවසා සිටියේය. ජනතා මනස විකෘති කර මැරයන් බලයට ඒමට සිදු කරන මෙවැනි ක්‍රියා හෙළා දකින බව ඔහු පවසා සිටියේය.
තම කීර්ති නාමය විනාශ කිරීමේ මෙම ක්‍රියාදාමය පිළිබදව මිරිහාන පොළීසියට පැමිණිල්ලක් ඉදිරිපත් කරන බවද ඔහු අවධාරණය කර සිටියේය.
මෙහිදී වැඩි දුරටත් අදහස් දක්වමින් ඔහු පවසා සිටියේ දේශපාලඥයන් මාංචු දමාගෙන හිර ගෙදරට යන අාකාරය හින්දි චිත්‍රපට වලට පමණක් සීමාවූවක්ව තිබූ බවත්,එය හිතළුවක් පමණක් වේ යැයි සිතූ බවත්ය. වර්තමාන යහපාලන අාණ්ඩුව මගින් තරාතිරම නොබලා වැරදිකරුවන් අැල්ලීම සිදුවන බව ඔහු පැවසුවේය.
FCID ය විනිවිද භාවයකින් යුක්තව කටයුතු කරන බවත් විරුද්ධ පක්ෂයේ අයට මෙන්ම අාණ්ඩුවේ අැමතිවරුන්ට විරුද්ධව අැති පැමිණිලිද විමර්ශනය කර නීතිමය පියවර ගත් බවද පැවසුවේය.පාලිත තෙවරප්පෙරුම බන්ධනාගාර ගතවූයේද එම විනිවිදභාවය නිසා බවත් ඉදිරියේදී සජිත් ප්‍රේමදාස පිළිබදව ද ලැබී අැති පැමිණිල්ලක් අනුව විමර්ශනයක් සිදු කිරීමට නියමිත බව පැවසුවේය.
පසුගිය දිනක දකුණු පළාත් සභා ඇමති ඩී. වී. උපුල් නාමල් රාජපක්ෂද ළග තබාගෙන FCID යේ පොළිස් කට්ටා ගේ සිට ඉහළම නිලධාරියා දක්වා වන සියල්ලන්ට ගල් ගසා මරා දැමිය යුතු බවට සිදු කළ ප්‍රකාශය පිලිබදව ඔහුව නීතිය ඉදිරියට පැමිණ විය යුතු බවත් පැවසුවේය. පරාජිත දේශපාලඥයන්ට උවමනා වී අැත්තේ රට බේරා ගැනීමට නොවන බවත් ඔහුට අවශ්‍ය වන්නේ පවුලේ උදවිය සහ හිතවතුන් අාරක්ෂාකර ගැනීමට බව හෙතෙම වැඩිදුරටත් සදහන් කළේය.
